បានមែនអេមណាស់! Chelsea រៀបគម្រោងដាក់ Kepa ទៅវ៉ៃដូរថែមលុយ យកអ្នកចាំទីដៃស្អិតនៅ La Liga ម្នាក់នេះ

អង់គ្លេស៖ ក្លិបតោខៀវ Chelsea ត្រូវបាគេរាយការណ៍មកថា កំពុងពិចារណាដាក់សំណើ ផ្ទេរយកអ្នកចាំទីដៃទី១ របស់ក្រុម Atletico Madrid កីឡាករ Jan Oblak។

ទន្ទឹមនឹងកីឡាករ Kepa Arrizabalaga នៅតែបន្តទម្រង់លេងមិនបានល្អ អ្នកចាត់ការទូទៅក្រុម Chelsea លោក Frank Lampard កំពុងគិតគូចែកផ្លូវគ្នាជាមួយនឹងអ្នកចាំទីជម្រើសជាតិអេស្ប៉ាញរូបនេះហើយ។

ជាមួយគ្នានេះ អ្នកចាំទីឆ្នើមរបស់ក្រុម Ajax Amsterdam កីឡាករ Andre Onana ជាបេក្ខភាពមួយរូប ដែលស្ថិតក្នុងបញ្ជីរគោលដៅដែល Chelsea ចង់នាំយកមកជំនួស Kepa ខណៈរបាយការណ៍របស់កាសែត The Mirror បានបញ្ជាក់ថា Oblak ក៏ស្ថិតនៅលើរ៉ាដារបស់ក្លិបនៅភាគខាងលិចទីក្រុងឡុងដ៍មួយនេះផងដែរ។

ប្រភពដដែលបានបន្ថែមទៀតថា តម្លៃទិញផ្ដាច់កុងត្រា របស់ជម្រើសជាតិស្លូវេនីរូបនេះ ត្រូវបាន At.Madrid ដាក់រហូតដល់១០០លានផោនឯណោះ ខណៈក្លិប Chelsea គ្រោងដាក់ Kepa ក្នុងកិច្ចព្រមព្រៀងជាថ្នូរដោះដូរ បូកបន្ថែមនឹងលុយមួយចំនួនទៀត។

គួរឲ្យដឹងដែរថា Obalk បានមករួមរស់ជាមួយ At.Madrid តាំងពីឆ្នាំ២០១៤មកម្ល៉េះ ដោយផ្ទេរពីក្លិប Benfica មក។ យ៉ាងណាមិញ គេនៅសល់កុងត្រារយៈពេល៣ឆ្នាំទៀត ជាមួយក្លិបយក្សអេស្ប៉ាញ៕

ប្រភព៖ sportsmole