នេះបានហៅស្នេហាGoal! PeckPrem និងសង្សារ ចាប់ដៃគ្នាបើកហាងកាហ្វេ ឡើងស្កឹមស្កៃដូចវីឡា

ថៃ៖ តារាប្រុស ដ៏មានប្រជាប្រិយភាព លោក Peckprem កំពុងតែត្រូវបានហ្វេនៗតាមដានយ៉ងកៀកកិត ពីសកម្មភាព ក៏ដូចជាទំនាក់ទំនងស្នេហា ជាមួយមិត្តស្រីរបស់ខ្លួន​ ដែលបានទាក់ទងមើលចិត្តថ្លើមគ្នា អស់រយៈពេលជាយូរមកហើយ ព្រមទាំងរង់ចាំពីថ្ងៃពិសេស របស់អ្នកទាំងពីរ ក្នុងពេលឆាប់ៗនេះ ។

ជាក់ស្ដែង ថ្ងៃពិសេស មិនទាន់បានមកដល់ផង តែអ្នកទាំងពីរ ក៏បានបង្ហាញពីភាពភ្ញាក់ផ្អើលមួយទៀត ដែលបានសម្រេចចិត្ត បើកជំនួយថ្មីមួយជាមួយគ្នា នៅឯឈៀងម៉ៃ ដែលជាហាងកាហ្វេដ៏ប្រណីត លក់អាហារ ភេសជ្ជៈ និងបង្អែម ជាមួយនឹងបរិយាកាសធម្មជាតិ នៅក្នុងទីវាល ដែលព័ទ្ធជុំវិញដោយនិងព្រៃឈើពណ៌បៃតងស្រស់។

មិនត្រឹមតែប៉ុណ្ណោះ នៅក្នុងនោះ អ្នកទាំងពីរ ថែមទាំងបង្ហាញឲ្យឃើញ ពីហាងកាហ្វេ ដែលស្ថិតនៅក្នុងការសាងសង់ មានទំហំធំទូលាយ មើលទៅដូចជាផ្ទះវីឡាដ៏ធំស្កឹមស្កៃ ក្បែរតំបន់ធម្មជាតិ ធ្វើឲ្យមិត្តភក្តិ ព្រមទាំងអ្នកគាំទ្រជាច្រើន កំពុងទន្ទឹងរង់ចាំមើល ថាបន្ទាប់ពីការសាងសង់នេះរួចរាល់ ហាងកាហ្វមួយនេះ នឹងមានភាពស្រស់ស្អាត ខ្លាំងកម្រិតណា ផងដែរ៕

សូមទស្សនារូបភាពខាងក្រោម៖