ទោះបីជួបវិបត្តិ COVID-១៩ ក្ដី តែប្រទេសស្រីលង្កានឹងជម្នះរៀបចំការបោះឆ្នោតសភារបស់ខ្លួននៅដើមខែសីហានេះ

ស្រីលង្កា៖ ប្រធានគណៈកម្មការរៀបចំការបោះឆ្នោតរបស់ប្រទេសស្រីលង្កាដែលត្រូវបានពន្យារពេលពីរដង បន្ទាប់ពីមានការរីករាលដាលនៃជំងឺ COVID-១៩ ដែលនឹងត្រូវធ្វើឡើងនៅថ្ងៃទី ៥ ខែសីហា។

យោងតាមមន្រ្តីរៀបចំការបោះឆ្នោតបានឱ្យដឹងថា ការស្ទង់មតិទូទៅដែលក្នុងនោះប្រជាជនប្រមាណ ១៦ លាននាក់មានសិទ្ធិបោះឆ្នោតនឹងត្រូវអនុវត្តតាមគោលការណ៍ណែនាំរបស់មន្ត្រីសុខាភិបាល។

នៅថ្ងៃទី ២ ខែមិនា ប្រធានាធិបតី លោក Gotabaya Rajapaksa បានប្រើអំណាចប្រតិបត្តិរបស់គាត់ដើម្បីរំលាយសភា ៦ ខែមុនបញ្ចប់អាណត្តិរបស់ខ្លួន ហើយបានអំពាវនាវឱ្យមានការស្ទង់មតិនៅថ្ងៃទី ២៥ ខែមេសា។

ការគម្រាមកំហែងពីជំងឺ COVID-១៩ កើនឡើងក្នុងប្រទេស គណៈកម្មាធិការរៀបចំការបោះឆ្នោតបានពន្យារពេលបោះឆ្នោតជិត ២ ខែដល់ថ្ងៃទី ២០ ខែមិថុនា ទន្ទឹមនឹងនេះដែរគណបក្សប្រឆាំងនិងតំណាងសង្គមស៊ីវិលបានដាក់ញត្តិទៅតុលាការកំពូលជំទាស់កាលបរិច្ឆេទបោះឆ្នោតដោយលើកឡើងពីហានិភ័យសុខភាពសាធារណៈក្នុងការធ្វើការស្ទង់មតិក្នុងអំឡុងពេលមានរោគរាតត្បាត។ តុលាការកំពូលបានច្រានចោលបណ្តឹងទាំងអស់កាលពីដើមខែនេះ បន្ទាប់ពីមានការជំនុំជម្រះក្តី បឋម។ នៅពេលនោះគណៈកម្មាធិការរៀបចំការបោះឆ្នោតក៏បានប្រាប់តុលាការដែរថាខ្លួនគ្មានពេលគ្រប់គ្រាន់ដើម្បីរៀបចំសម្រាប់ការបោះឆ្នោតទូទាំងប្រទេសទេ។

នៅក្នុងការបោះឆ្នោតថ្ងៃទី ៥ ខែសីហាដែលនឹងត្រូវធ្វើឡើងនៅទូទាំងប្រទេសដោយមានការចូលរួម ពីមន្រ្តីប្រទេសស្រីលង្កាប្រមាណជាង ៧ សែននាក់ដើម្បីបោះឆ្នោតជ្រើសតាំងសមាជិកសភាថ្មីចំនួន ២២៥ រូប។

គួរបញ្ជាក់ផងដែរថា ប្រទេសស្រីលង្កាបានរាយការណ៍ករណីដំបូងនៃការធ្វើតេស្តវិជ្ជមានជំងឺ COVID-១៩ ក្នុងតំបន់កាលពីល្ងាចថ្ងៃទី ១០ ខែមីនា៕

ប្រភពព័ត៌មាន៖ The Hindu