មេរោគអាថ៌កំបាំងម្យ៉ាង អាចជាដើមហេតុធ្វើឲ្យដំរីរាប់រយក្បាលផុតជីវិតនៅអាហ្រ្វិក (មានវីដេអូ)

បុតស្វាណា៖ ថ្មីៗនេះ សត្វដំរីជាង៣៥០ក្បាល ត្រូវគេ​ប្រទះឃើញដេកងាប់ សល់តែគ្រោងឆ្អឹងយ៉ាងអាថ៌កំបាំង ពាសពេញតំបន់ដីសណ្ដ Okavango និងតំបន់ភាគខាងជើងនៃប្រទេសបុតស្វាណា។

ឥឡូវនេះ ក្រុមអ្នកវិទ្យាសាស្ត្រ សង្ស័យថាវីរុសមួយប្រភេទអាចនៅពីក្រោយការស្លាប់របស់សត្វដំរី  ហើយវាអាចឆ្លងទៅមនុស្សបានទៀតផង។ ការអះអាងបែបនេះ ព្រោះតំបន់នោះមិនមានគ្រោះរាំងស្ងួត និងការបរបាញ់ ដែលជាដើមហេតុឡើយ ប៉ុន្ដែសារធាតុពុលផ្សេងៗ ដូចជា Cyanide អាចជាភាពបង្ក។

យ៉ាងណាមិញ ផ្នែកខ្លះនៃគ្រោងឆ្អឹងសត្វដំរី ត្រូវបានគេយកទៅមន្ទីរពិសោធន៍ ដើម្បីសិក្សាបន្ថែមពីមូលហេតុដែលធ្វើឲ្យសត្វដំរីរាប់រយក្បាលត្រូវងាប់យ៉ាងអាថ៌កំបាំងបែបនេះផងដែរ។

គួរឲ្យដឹងដែរថា ដំរីចំនួន១៦៩ក្បាល បានងាប់លើកដំបូងក្នុងរយៈពេលខ្លី ត្រូវបានរាយការណ៍ក្នុងខែឧសភា នៅដែនដីសណ្ដ Okavango ដែលជាជម្រកសត្វ។ ចំនួននេះ បានកើនឡើងទ្វេរដង គិតត្រឹមពាក់កណ្ដាលខែមិថុនា ក្នុងនោះចំនួន៧០% បានងាប់នៅក្បែរទឹក។

លោកវេជ្ជបណ្ឌិត Cyril Taolo ប្រធានស្តីទីនៃនាយកដ្ឋានសត្វព្រៃនិងឧទ្យានជាតិរបស់ប្រទេសបុតស្វាណា បានមានប្រសាសន៍ថា៖

គួរបញ្ជាក់ថា ប្រទេសអាហ្វ្រិកខាងត្បូងមួយនេះ គឺជាជម្រកសត្វដំរីរមួយភាគបី នៃទ្វីបអាហ្រ្វិក ហើយវាបានកើនឡើងពី ៨ម៉ឺនក្បាល ដល់១៣ម៉ឺនក្បាលផងដែរ។ ទោះជាយ៉ាណាក៏ដោយ សត្វដំរីនៅតែស្ថិតក្រោមការគំរាមកំហែង ព្រោះកសិករយល់ថា ពួកវាបានបំផ្លាញដំណាំ ហេតុដូច្នេះការបរបាញ់គឺនៅតែកើតមានជាធម្មតា៕

សូមទស្សនារូបភាព និងវីដេអូខាងក្រោម៖