សំអាងភស្តុតាងទាំងនេះ ធ្វើឲ្យហ្វេនៗគិតថា Suzy និង Rosé លួចណាត់ជួបគ្នាស្ងាត់ៗ?

កូរ៉េខាងត្បូង ៖ កាលពីថ្មីៗនេះ អ្នកលេងបណ្ដាញអ៊ីនធើណែត បានរកឃើញភ័ស្តុតាងថ្មីៗជាច្រើន បង្ហាញថា Rosé សមាជិកក្រុម BLACKPINK និងស្រីស្អាត តារាសម្ដែងល្បី Suzy បានណាត់ជួបគ្នា តែមិនបង្ហោះរូបជាមួយគ្នា។

ក្នុងនោះផងដែរ ហ្វេនៗជាច្រើន បានកត់សម្គាល់ឃើញ រូបភាពប៉ុន្មានសន្លឹក ដែលពួកគេទាំងពីរបានបង្ហោះ នៅលើគណនី Instagram ចាប់ពីខែកញ្ញា ដល់ខែតុលា ក្នុងឆ្នាំ ២០១៩ ដែលវាហាក់ដូចជា Suzy និង Rosé មានកាលវិភាគដូចគ្នា នៅថ្ងៃតែមួយ និងទីតាំងតែមួយយ៉ាងដូច្នេះដែរ។

ជាក់ស្តែង អ្នកលេងបណ្ដាញអ៊ីនធើណែត បានរកឃើញពីភាពស្រដៀង នៃទីតាំងក្នុងរូបភាពប៉ុន្មានសន្លឹក ដែលពួកគេបានបង្ហោះ ទាំងនៅក្នុងសួនផ្កា និងហាងអាហារ។

ដោយមើលឃើញពីភាពស្រដៀងគ្នា ដោយអចេតនាទាំងនេះ ធ្វើឲ្យមនុស្សច្រើន បានបញ្ចេញមតិថា វាជាភស្តុតាងនៃពាក្យចចាមអារ៉ាមដ៏គួរភ្ញាក់ផ្អើលមួយ។ នេះប្រសិនបើម្នាក់ក្នុងចំណោមពួកគេ គឺជាតារាប្រុសវិញនោះ ប្រាកដណាស់ថា វាច្បាស់ជាក្លាយជាដំណឹងដ៏ភ្ញាក់ផ្អើលមួយ ក្នុងវិស័យសិល្បៈកូរ៉េជាមិនខាន៕

ទស្សនារូបភាពខាងក្រោម ៖