ចាប់ពីស្អែកទៅ ដល់ថ្ងៃ២១ ខែកក្កដា ភ្លៀងនឹងធ្លាក់ពីតិច ទៅច្រើន តែក៏ប្រុងប្រយ័ត្នបាតុភូតផ្គរ រន្ទះ ខ្យល់កន្រ្តាក់

ភ្នំពេញ៖ កាលពី១ម៉ោងមុននេះ ផេកផ្លូវការក្រសួងធនធានទឹក និងឧតុនិយម បានចេញសេចក្តីជូនដំណឹង ដោយចាប់ពីថ្ងៃទី១៥ ដល់ថ្ងៃទី២១ ខែ កក្កដា ឆ្នាំ២០២០ មានភ្លៀងបន្តធ្លាក់ ដើម្បីឲ្យប្រជាពលរដ្ឋជ្រាបជាដំណឹង។

ក្នុងនោះ ក្រសួងធនធានទឹក និងឧតុនិយម ក៏បានក្រើនរំលឹកផងដែរថា មានបាតុភូតផ្គរ រន្ទះ ខ្យល់កន្រ្តាក់ ដែលអាចកើតមានជាយថាហេតុ។

ដោយក្នុងសេចក្តីជូនដំណឹង មានចែងដូចតទៅ៖

១) បណ្តាខេត្ត នៅតំបន់វាលទំនាបកណ្តាល

-សីតុណ្ហភាពអប្បបរមា មានពី ២៦-២៧°C

-សីតុណ្ហភាពអតិបរមា មានពី ៣២-៣៤°C

២)  បណ្តាខេត្ត នៅតំបន់ជួរភ្នំដងរែក និងខ្ពង់រាបឦសាន ៖

- សីតុណ្ហភាពអប្បបរមា មានពី ២៣-២៥°C

- សីតុណ្ហភាពអតិបរមា មានពី ៣០-៣២°C នឹងអាចមានភ្លៀងធ្លាក់រាយប៉ាយពីខ្សោយទៅបង្គួរ ។

៣)  បណ្តាខេត្តនៅតំបន់មាត់សមុទ្រ ៖

- សីតុណ្ហភាពអប្បបរមា មានពី ២៦-២៧°C

- សីតុណ្ហភាពអតិបរមា មានពី ៣០-៣២°C