ហ្វីលីពីន៖ ប្រទេសហ្វីលីពីននាថ្ងៃចន្ទនេះ មានអ្នកស្លាប់ដោយសារជំងឺកូវីដ-១៩ ច្រើនបំផុត បន្ទាប់ពីបន្ធូរបន្ថយវិធានការរឹតបន្ដឹង និងនៅពេលអាជ្ញាធរបង្កើនការធ្វើតេស្ដ។ នេះបើតាមការចេញផ្សាយរបស់ទីភ្នាក់ងារសារព័ត៌មាន CNA នារសៀលថ្ងៃចន្ទ ទី១៣ ខែកក្កដា ឆ្នាំ២០២០

មន្រ្ដីសុខាភិបាលបានរាយការណ៍ថា អ្នកស្លាប់ថ្មីមានចំនួន១៦២នាក់ ដែលនេះជាការកើនឡើងខ្ពស់បំផុតក្នុងរយៈពេលថ្ងៃ ហើយក៏ជាចំនួនប្រចាំថ្ងៃខ្ពស់បំផុតផងដែរ បើធៀបនឹងបណ្ដាប្រទេសផ្សេងទៀតក្នុងតំបន់អាស៊ាន។ ខណៈចំនួនអ្នកឆ្លងសរុបបានកើនដល់ ៥៦,២៥៩នាក់ ដែលជាចំនួនកើនទ្វេរដងចាប់តាំងពីថ្ងៃទី ខែមិថុនាមក នៅពេលរដ្ឋាភិបាលចាប់ផ្ដើមបន្ធូរបន្ថយការរឹតត្បិត រួមទាំងដំណើរការសេវាកម្មដឹកជញ្ជូនសាធារណៈ ហើយភោជនីយដ្ឋាន និងផ្សារទំនើបក៏បើកដំណើរការ ដើម្បីស្ដារសេដ្ឋកិច្ចឡើងវិញ។

ជុំវិញបញ្ហានេះ ក្រសួងសុខាភិបាលរំពឹងថា ចំនួនអ្នកស្លាប់សរុបនឹងកើនលើស ១,៥៣៤នាក់ ខណៈបច្ចុប្បន្នមានអ្នកសង្ស័យជិត ១២,០០០នាក់ មិនទាន់បានបញ្ជាក់នៅឡើយ។

គួរឲ្យដឹងដែរថា ប្រទេសហ្វីលីពីនបានធ្វើតេស្ដប្រជាជនរបស់ខ្លួនរហូតដល់ ៩០៨,៧៧៩នាក់ហើយ ក្នុងចំណោមប្រជាជនសរុបជាង ១០៧លាននាក់៕

សូមទស្សនារូបភាពខាងក្រោម៖

ការធ្វើតេស្ដ
ការធ្វើតេស្ដ
ការធ្វើតេស្ដ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ