ភ្នំពេញ៖ ប្រិយមិត្តដែលស្នេហាវិស័យគុនខ្មែរ ប្រាកដជាស្គាល់ អ្នកលេងកែងពិឃាត កីឡាករ វង្ស ណយ ដែលមានកេរ្តិ៍ឈ្មោះល្បាញល្បីទាំងក្នុងស្រុក និងក្រៅប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គាត់បានធ្វើឲ្យកក្រើកសង្វៀនជាច្រើន ជាពិសេសនៅសង្វៀនទូរទស្សន៍បាយ័ន កាលពី៥ឆ្នាំមុន។ ក្រោយបាត់មុខពីសង្វៀនអស់មួយរយៈពេល អ្នកគាំទ្រជាច្រើនបានឃើញសារបង្ហោះនៅលើបណ្តាញសង្គមហ្វេសបុកផ្ទាល់ខ្លួនរបស់ វង្ស ណយ ដែលប្រាប់ថា គាត់លែងបន្តអាជីពជាអ្នកប្រដាល់តទៅទៀតហើយ។
ក្នុងសារបង្ហោះ ដែលមានរូបមួយសន្លឹកកំពុងពិសាបាយជាមួយកូនប្រុសស្រី និងពាក្យប៉ុន្មានឃ្លាថា៖
ខ្ញុំលាឈប់ពីប្រដាល់ហើយបងប្អូន ខ្ញុំវៃ៉យូរណាស់ហើយ ល្បីតែឈ្មោះ គ្មានសល់អីទេ ពេលនេះខ្ញុំអស់កម្លាំងវ៉ៃទៀតហើយ ទើបខ្ញុំសម្រេចចិត្តឈប់វៃនៅពេលនេះ ព្រោះខ្លាចពិការ ខានបានរកស៊ីចិញ្ចឹមកូន។ បើខ្ញុំពិការទៅគ្មានអ្នកណាចិញ្ចឹមកូនខ្ញុំទេ (ជួយគាំទ្រងៀតក្របីខ្ញុំផងបងប្អូន) ។
ក្រោយពីបានអានសារមួយនេះបងប្អូន ប្រាកដជាដឹងអំពីមូលហេតុ នៃការលាឈប់របស់គាត់។ ទោះជាយ៉ាងណាក៏ដោយ វង្ស ណយ ការវ៉ៃរបស់គាត់មួយរយៈក្រោយមានការធា្លក់ចុះខ្លាំងគួរឲ្យកត់សម្គាល់ ជាហេតុធ្វើឲ្យបាត់បង់ប្រជាប្រិយភាពបន្តិចម្តងៗ ប៉ុន្តែកីឡាកររូបនេះ ក៏ធ្លាប់បានជួយលើកតម្កើនក្បាច់គុនខ្មែររបស់បុព្វបុរសយើង ឲ្យមានភាពល្បាញល្បីទាំងក្នុង និងក្រៅប្រទេសផងដែរ៕
ប្រភព៖ Noy Vong
Bong I.T