យើងតែងតែចង់ឲ្យអ្នកជំនាញថែរក្សាស្បែកប្រាប់ ឬចែករំលែកអំពីអាថ៌កំបាំងប្រឆាំងនឹងភាពចាស់ ប៉ុន្តែពួកគេមិនដែលប្រាប់ដោយមិនគិតលុយនោះទេ ជាពិសេសវិធីបន្ថយស្នាមខ្មៅៗជុំវិញភ្នែក និងការហើមភ្នែកតែម្តង។ មានផលិតផលថែរក្សាស្បែកក្នុងនាមជាសារធាតុប្រឆាំងនឹងភាពចាស់ជាច្រើនបានអះអាងថា អាចជួយសម្រួលដល់ភាពចាស់ជាងវិញដូចជា កន្ទួលលើស្បែក ស្នាមជ្រីវជ្រួញ និងបង្កើនកូឡាជែនក្នុងខ្លួន។ ប៉ុន្តែភាគច្រើននៃផលិតផលទាំងនេះគ្រាន់តែជាទ្រឹស្តីទេ ហើយយកល្អអ្នកប្រើប្រាស់គួរតែយល់ដឹងកាន់តែច្រើនបន្ថែមទៀតអំពីវាផង។ ទោះបីជាយ៉ាងណាក៏ដោយ មានអាថ៌កំបាំងប្រឆាំងនឹងភាពចាស់មួយចំនួនដែលអ្នកជំនាញខាងរោគសើស្បែកមិនចង់ប្រាប់ឲ្យអ្នកបានដឹងទេ ដូចជា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការជ្រើសរើសក្រែមការពារកម្តៅព្រះអាទិត្យដើម្បីប្រឆាំងនឹងភាពចាស់របស់ស្បែក
ក្រែមការពារកម្តៅព្រះអាទិត្យគឺជាអាវុធដ៏ល្អបំផុតនៅពេលអ្នកកំពុងតែការពារស្បែកពីជំងឺមហារីកស្បែក ហើយវាក៏ជាមធ្យោបាយដ៏ល្អបំផុតដែរក្នុងការថែរក្សាស្បែកឲ្យកាន់តែក្មេងជាងវ័យ និងសុខភាពល្អ។ ក្រៅពីបង្កើតជាកាំរស្មីយូវីដើម្បីបំផ្លាញស្បែគ ពន្លឺព្រះអាទិត្យក៏អាចបង្កជាស្នាមអ៊ុចៗពណ៌ត្នោត ក្រហម និងស្បែកជ្រីវជ្រួញបានដែរ។ ដូច្នេះក្រែមការពារកម្តៅថ្ងៃអាចជួយដល់រឿងនេះបាន។
ផលិតផលថ្លៃៗមិនប្រាកដថាមានប្រសិទ្ធភាពទាំងអស់ឡើយ
រាល់ផលិតផលថ្លៃប្រាកដជាពពាយនាយថា នឹងផ្តល់ជាលទ្ធផលយ៉ាងល្អគាប់ចិត្ត ប៉ុន្តែរឿងនេះមិនប្រាកដទាំងអស់ឡើយ។ ផលិតផលដែលមានតម្លៃខ្ពស់អាចមានន័យថាធាតុផ្សំរបស់វាមានគុណភាព ឬមានកំហាប់នៃធាតុផ្សំខ្ពស់ជាងផលិតផលផ្សេង ប៉ុន្តែតារាងធាតុផ្សំទៅវិញទេដែលមានសារៈសំខាន់ជាងស្លាកយីហោរផលិតផលទៅទៀត។
កុំជឿទៅលើការពពាយនាយក្រែមលាបមុខបំបាត់ស្នាមជ្រីវជ្រួញ
មនុស្សយើងចេញស្នាមផ្នត់ៗដោយសារតែមានផ្នត់លើស្បែកម្តងហើយម្តងទៀតដោយសារតែសាច់ដុំនៅពីក្រោមនោះ។ ស្បែកដែលនៅក្មេង និងមានសុខភាពល្អគឺមានភាពរឹងមាំដែលអាចស៊ូនឹងភាពផ្នត់ និងរក្សាទម្រងដើមវិញបាន ប៉ុន្តែជាមួយនឹងភាពចាស់ទៅតាមអាយុ ភាពរឹងមាំរបស់ស្បែកនឹងចុះខ្សោយវិញ។ ខណៈពេលដែលក្រែមលាបស្បែកនឹងជួយថែរក្សារបាំងការពារស្បែកឲ្យរឹងមាំ ដើម្បីបន្ថយភាពជ្រីវជ្រួញ។
សាកល្បងប្រើថ្នាំបំប៉នកូឡាជែន
កូឡាជែនគឺជាប្រូតេអ៊ីនមួយប្រភេទសម្រាប់បង្កើតជាសក់ ស្បែក និងក្រចក។ ថ្នាំបំប៉នកូឡាជែនគឺជាបណ្តុំនៃអាស៊ីតអាមីណេ និង Peptides ដែលភ្ជាប់ទំនាក់ទំនងក្នុងចរន្តឈាមជាមួយអង់ហ្ស៊ីមជាច្រើនសម្រាប់បង្កើតជាកូឡាជែនពេញលេញក្នុងខ្លួន។ រាងកាយដែលខ្វះកូឡាជែន ថ្នាំបំប៉នប្រភេទនេះនឹងជួយទ្រទ្រង់ និងបង្កើនការផលិតកូឡាជែនបាន។ ប៉ុន្តែយកល្អ អ្នកគួរតែជ្រើសរើសកូឡាជែនដែលត្រឹមត្រូវដែរ ដោយសារតែវាមាន ១៦ប្រភេទខុសៗគ្នាឯណោះ៕