មិននឹកស្មានថា ព្រះចន្ទរបស់យើងធ្លាប់មានមហាសមុទ្រកម្អែលភ្លើង រហូតដល់២០០លានឆ្នាំ

បរទេស៖ ការសិក្សាថ្មីមួយបានរកឃើញថា ព្រះចន្ទរបស់ផែនដីនៅពេលកើតឡើងដំបូង ប្រហែលជាមានផ្ទុកមហាសមុទ្រកំអែលភ្លើង អស់រយៈពេល២០០លានឆ្នាំ គឺយូរជាងការគិតមុនៗរបស់អ្នកវិទ្យាសាស្ត្រ។ អ្នកស្រាវជ្រាវបាននិយាយថា ការស្រាវជ្រាវថ្មីនេះអាចស្រាយបំភ្លឺ ទៅលើការកកើតនៃផែនដីនិងប្រព័ន្ធព្រះអាទិត្យ។

អ្នកវិទ្យាសាស្ត្រគិតថា ផែនដីបានកើតឡើងប្រហែល៤.៥ប៊ីលានឆ្នាំមុន ជាមួយកំណើតរបស់ព្រះចន្ទបន្ទាប់ពីនេះ។ ការពន្យល់ឈានមុខគេសម្រាប់ដើមកំណើតព្រះចន្ទគឺថា វាបណ្ដាលមកពីការប៉ះទង្គិចរវាងថ្មភព ឬអំប៊ីយ៉ុងសកលលោក។ មួយក្នុងចំណោមនោះគឺផែនដីដែលទើបកកើត ហើយមួយទៀតគឺជាព្រះចន្ទនោះឯង។

ការស្រាវជ្រាវពីមុនបានរកឃើញភស្ដុតាងសម្រាប់មហាសមុទ្រកម្អែលភ្លើង នៅលើឋានព្រះចន្ទដំបូង ក្នុងសមាសភាពនៃស្រទាប់លើព្រះចន្ទ ដែលវាអណ្ដែតនិងរំលាយថ្ម។ សរុបមក ពួកគេបានរកឃើញថា មហាសមុទ្រកម្អែលភ្លើងនៅឋានព្រះចន្ទអាចនឹងស្ថិតនៅរយៈពេល ពី១៥០ទៅ២០០លានឆ្នាំ ដែលមានរយៈពេលយូរជាងការគិតពីមុន១០ដង។

ពួកគេក៏បានប៉ាន់ប្រមាណថា ព្រះចន្ទបានកើតឡើងនៅចន្លោះពី៤.៤ប៊ីលានឆ្នាំទៅ៤.៤៥ប៊ីលានឆ្នាំមុន ដែលមានអាយុកាលពី៥០លានទៅ១០០លានឆ្នាំ គឺច្រើនជាងការគិតពីលើកមុន៕