ញាក់សាច់! រៀបហក់ចូលក្នុងអាងទឹកទៅហើយ ស្រាប់តែឃើញក្រពើមួយ កំពុងតែហែល ឡើងរំភើយ

បរទេស៖ កាលពីប៉ុន្មានថ្ងៃមុននេះមានរឿងដ៏មិនគួរឲ្យជឿមួយបានកើតឡើង ដោយមានម្ចាស់ផ្ទះម្នាក់ដែលរៀបលោតចូលក្នុងអាងទឹកនៅខាងមុខផ្ទះទៅហើយ ប៉ុន្តែគាត់បានសង្កេតឃើញថា មានកូនក្រពើមួយក្បាល ដែលកំពុងតែហែលខ្វៃៗនៅក្នុងអាងទឹកទៅវិញ។

ដោយក្រោយពីបានឃើញដូច្នេះភ្លាម គាត់បានរត់សំដៅទៅក្នុងផ្ទះវិញ ព្រមទាំងស្រែកហៅអ្នកផ្ទះឲ្យមកជួយផងដែរ ដោយមិនដឹងថាកូនក្រពើមួយក្បាលនេះ មកដល់ក្នុងអាងទឹកតាំងពីពេលណានិង មកតាមកន្លែងណាឡើយ។

បន្ទាប់មកក្រោយពីបានទទួលដំណឹងនេះរួចមក ក្រុមអ្នកជំនាញបានចុះមកដល់ទីតាំងផ្ទាល់ភ្លាមៗតែម្តង ព្រមទាំងបានចាប់សត្វក្រពើមួយក្បាលនេះទៅវិញផងដែរ។ ទោះបីជាយ៉ាងណាក៏ដោយ កូនក្រពើនេះមិនទាន់ធំក៏ពិតមែន ប៉ុន្តែប្រសិនជាត្រូវវាវាយប្រហារ ប្រាកដជាអាចនឹងត្រូវរបួសដោយសារវាជាក់ជាមិនខានឡើយ៕

សូមចូលមើលរូបភាពខាងក្រោម៖