គូស្នេហ៍រាប់សិបគូ នាំគ្នារៀបអាពាហ៍ពិពាហ៍ជុំគ្នា ក្នុងការប្រយុទ្ធប្រឆាំងនឹងជំងឺកូវីដ-១៩

ចិន៖ ជាការពិតណាស់ ចាប់តាំងពីផ្ទុះឡើងនៃជំងឺកូវីដ-១៩មក រដ្ឋាភិបាលនៅតាមបណ្ដាប្រទេសនានា បានចេញនូវវិធានការយ៉ាងតឹងរុឹង ដោយមិនអនុញ្ញាតឲ្យមានការជួបជុំ​ ឬរៀបចំពិធីអ្វីឡើយ ដើម្បីទប់ស្កាត់ការរីករាលដាលជំងឺនេះ។

ទន្ទឹមនឹងនេះដែរ បានធ្វើឲ្យគូស្នេហ៍ជាច្រើនគូ ត្រូវលុបចោលពិធីអាពាហ៍ពិពាហ៍ ឬពន្យារពេលជាដើមផងដែរ។

យ៉ាងណាមិញ សព្វថ្ងៃនេះ វិធានមួយចំនួនត្រូវបានបន្ធូរបន្ថយខ្លះហើយ ដោយកាលពីថ្ងៃទីពុធទី៨ ខែកក្កដាកន្លងទៅថ្មីៗ គូស្នេហ៍ចំនួន៥០គូ មកពីតំបន់ផ្សេងៗក្នុងប្រទេសចិន បាននាំគ្នាចូលរួមប្រយុទ្ធប្រឆាំងនឹងជំងឺកូវីដ-១៩ តាម​រយៈការចូលរួមពិធីអាពាហ៍ពិពាហ៍ជាក្រុម ដែលរៀបចំឡើងដោយគណៈកម្មាធិការ​គ្រប់គ្រង​នៃភ្នំ Changbai ក្នុងខេត្តជីលីន ​ភាគ​ឦសាន​នៃ​ប្រទេស​ចិន៕

សូមទស្សនារូបភាពខាងក្រោម៖