មណ្ឌលគិរី៖ លោក G Devith ដែលគ្រប់គ្នាស្គាល់ថាជាតារាចម្រៀងដ៏ល្បី និងជាអតីតអ្នកចម្រៀងនៅក្នុងផលិតរស្មីហង្សមាស។ បន្ទាប់ពីលោកដើរចេញពីទ្រនំផលិតកម្មដ៏ល្បីល្បាញមួយនេះ លោកបានក្លាយខ្លួនជាតារាចម្រៀងឯករាជ្យជាមួយគូស្នេហ៍របស់លោកគឺកញ្ញា ទេព បូព្រឹក្ស មិនត្រឹមតែប៉ុណ្ណោះលោកក៏ដំណើរការផលិតកម្មចម្រៀងផ្ទាល់ខ្លួនថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីម្សិលមិញនេះ លោក G Devith បានបង្ហោះសារមួយដោយភ្ជាប់មកជាមួយរូបភាពដ៏មានភាពផ្អែមល្ហែមខ្លាំងមែនទែនជាមួយគូស្នេហ៍ កញ្ញា ទេព បូព្រឹក្ស នៅលើទឹកដី ខេត្តមណ្ឌលគីរី នៅក្នុងសារនោះបានបញ្ជាក់ថា ផ្ញើសេចក្តីនឹករលឹក និងសេចក្តីស្រលាញ់នៅមណ្ឌគីរី សាងអនុស្សាវរីយ៍មុនពេលឃ្លាតពីពាក្យថាសង្សា។
គ្រាន់តែឃើញសារអមជាមួយរូបភាពស្វីតៗនៅលើស្មៅដ៏ខៀវស្រងាត់បែបនេះ ធ្វើឲ្យមហាជនជាពិសេសបណ្តាអ្នកគាំទ្រជាច្រើននាក់រំភើបចិត្តជំនួស និងចង់ឃើញអ្នកទាំងពីរចូលរោងជ័យឆាប់ៗនាពេលខាងមុខនេះ។ បើតាមសារមួយនេះក៏អាចនឹងដឹងពីទំនាក់ទំនងស្នេហា និងអាចដឹងពីគម្រោងការរបស់តារាចម្រៀងរ៉េបដ៏ល្បីរូបនេះដែលបានបង្ហាញនៅលើបណ្តាញសង្គមហេ្វសប៊ុកនោះផងដែរ៕
តោះ! សូមមើលរូបភាពស្វីតៗរបស់អ្នកទាំងពីខាងក្រោមនេះ៖