ប្រុងប្រយ័ត្ន! រដ្ឋាភិបាលនីហ្សេរីយ៉ាព្រមានពីគ្រោះទឹកជំនន់នៅក្នុងតំបន់ចំនួន ១០២ នៅទូទាំង ២៨ រដ្ឋ

នីហ្សេរីយ៉ា៖ រដ្ឋាភិបាលនីហ្សេរីយ៉ាកាលពីថ្ងៃសុក្របានព្រមានពីគ្រោះទឹកជំនន់ដែលអាចកើតមាននៅក្នុងតំបន់ដែលគ្រប់គ្រងដោយរដ្ឋាភិបាលចំនួន ១០២ នៅទូទាំងរដ្ឋចំនួន ២៨ ក្នុងរដូវភ្លៀងឆ្នាំនេះ។

យ៉ាងណាមិញ លោក Muhammadu A Muhammed ប្រធានទីភ្នាក់ងារជាតិគ្រប់គ្រងគ្រោះអាសន្នដែលបានអំពាវនាវដល់ភ្នាក់ងារគ្រប់គ្រងគ្រោះអាសន្នរបស់រដ្ឋ និងរដ្ឋាភិបាលជួរមុខឱ្យត្រៀមខ្លួន និងជាងនេះទៀតក៏បានណែនាំពួកគេឱ្យប្រុងស្មារតីតាមសហគមន៍ដែលងាយរងគ្រោះដើម្បីត្រៀមខ្លួនសម្រាប់ការជម្លៀសដោយសុវត្ថិភាព។

លោក Mohammed បានស្នើថា សំរាម ស្មៅ និងទឹកកខ្វក់គួរតែត្រូវបានសម្អាតចេញពីលូបង្ហូរទឹក បណ្តាញទឹក និងគ្រប់មធ្យោបាយសម្រាប់បង្ហូរទឹកនៅតាមដងទន្លេដើម្បីឱ្យទឹកហូរបានលឿន។

គួរបញ្ជាក់ផងដែរថា ទឹកជំនន់គឺជាគ្រោះមហន្តរាយធម្មជាតិមួយដែលកើតមានញឹកញាប់បំផុតនៅក្នុងប្រទេសនីហ្សេរីយ៉ា៕

ប្រភពព័ត៌មាន៖ ទីភ្នាក់ងារសារព័ត៌មានស៊ីនហួរ