ភ្នំពេញ៖ ច្បាស់ជាកក្រើកហើយរសៀលនេះ នៅសង្វៀនស៊ីប៊ីអេស វង្ស វិឆ័យ មិនយោគយល់សិស្សច្បង រឿង សោភ័ណ្ឌ ទេ ព្រមទាំងប្តេជ្ញាផ្តួលឲ្យសន្លប់ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជំនួបល្ងាចនេះ ជាការសងសឹករបស់ វិឆ័យ ក្រោយចាញ់ពិន្ទុ សោភ័ណ្ឌ កាលពីប្រកួតមុន។ ក្នុងវីដេអូសម្ភាសន៍ វិឆ័យ បាននិយាយចំៗទៅកីឡាករ រឿង សោភ័ណ្ឌ ថាគ្មានស្នៀតអ្វីអស្ចារ្យសម្រាប់គេឡើយ លើកលែងតែការប្តូរកណ្តាប់ដៃប៉ុណ្ណោះ។
បន្ថែមលើសពីនេះ ព្រមទាំងចំអកឲ្យ សោភ័ណ្ឌ ពេលឱបកៀកចាប់តែខ្សែសង្វៀនទៀតផង ចំណែកឯ សោភ័ណ្ឌ ក្នុងវីដេអូមិនបាននិយាយអ្វីច្រើនឡើយ ត្រឹមរំពឹងយកជ័យជម្នះក្នុងការប្រកួតនេះឲ្យបាន។ គូនេះប្រាកដជាកក្រើកសង្វៀន ព្រោះអ្នកទាំងពីរក្តៅស្លឹកត្រចៀកមុនការប្រកួតបាត់ទៅហើយ៕