ភ្នំពេញ៖ ជាដំណឹងមួយ ដ៏គួរឲ្យក្រៀមក្រំដែល តារាចម្រៀងម្ចាស់បទ«ភ្នំទាបជាងស្មៅ» លោកខឹម ឈុនវុធថា បានទទួលមរណភាពហើយ នៅក្នុងថ្ងៃសៅរ៍ ទី១១ ខែកក្កដា ឆ្នាំ២០២០នេះ វេលាម៉ោង២:២២នាទី ទៀបភ្លឺ ដោយរោគាពាធ គឺជំងឺគាំងបេះដូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ គេក៏ឃើញតារាចម្រៀង និងកំប្លែងអ្នកនាងខាត់ សុឃីម ក៏បានបង្ហោះសារចូលរួមរំលែកទុក្ខដ៏ក្រៀមក្រំនេះ ជូនទៅដល់ក្រុមគ្រួសាររបស់លោកខឹម ឈុនវុធថា ដោយបានបាត់បង់សមាជិកគ្រួសារ ដែលមានសមត្ថភាពយ៉ាងដូច្នេះ។
ជាមួយគ្នានោះ គេក៏ឃើញមាន សិល្បករ សិល្បការនី ព្រមទាំងមហាជនជាច្រើន បានចូលទៅបញ្ចេញមតិ រំលែកទុក្ខដ៏ក្រៀមក្រំនេះ ស្របពេលដែលតារាជើងចាស់ដែលបន្សល់នូវស្នាដៃជាច្រើនរូបនេះ បានទទួលមរណភាពឆាប់ៗបែបនេះ
ខ្មែរឡូត ក៏សូមចូលរួមរំលែកមរណទុក្ខដ៏ក្រៀមក្រំមួយនេះនៃគ្រួសារសពផងដែរ៕