យល់ដឹង៖ ទំនាក់ទំនងមួយ កំពុងតែល្អូកល្អើនសុខៗ ស្រាប់តែមានបញ្ហាបែកបាក់ គេប្រាកដជាដាក់បន្ទុក ទៅលើភាគីខាងប្រុស ច្រើនជាងខាងស្រី ដោយសារភាគច្រើន បញ្ហាបែកបាក់ កើតឡើងដោយសារតែជនទី៣ ចូលជ្រៀតជ្រែកដែលទូទៅគឺ ខាងប្រុសមានចិត្តសាវា ច្រើនជាងមនុស្សស្រី ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
តែត្រូវដឹងថា មនុស្សស្រីក្នុងពេលឥឡូវ មិនដូចមុនទៀតនោះទេ។ ព្រោះមនុស្សស្រីនាពេលបច្ចុប្បន្ន មានការយល់ដឹងច្រើនជាងមុន គំនិតក៏ចាប់ផ្តើមមានការប្រែប្រួល ចេះតុបតែងខ្លួនស្អាតស៊ីវិល័យ បូកផ្សំនឹងបច្ចេកទេសទំនើប ជួយក្នុងការកែសម្ឆស្ស បន្ថែមទៀតនោះ ក៏បានធ្វើឲ្យមនុស្សស្រីកាន់តែ មានទំនុកចិត្តលើខ្លួន កាន់តែមិនខ្វះអ្នកតាមស្រលាញ់ ហើយក៏កាន់តែមានជម្រើស ច្រើនផងដែរ។
ដូច្នេះហើយ នៅពេលដែល មនុស្សស្រីម្នាក់មានជម្រើសច្រើន នាងក៏នឹងមិនខ្វល់ ឬស្មោះត្រង់ ជាមួយដៃគូមួយ ទល់នឹងមួយនោះដែរ។ ព្រោះនាងយល់ថា ខ្លួនស្អាតបែបនេះដែរ មិនខ្វះទេមនុស្សប្រុស ដែលកំពុងតែ តម្រង់ជួរចាំនាងនោះ៕
ភាគច្រើន គេតែចោទថា មនុស្សប្រុសសាវា តែការពិតទៅ មនុស្សស្រីក៏ចេះសាវាដែរ មិនមែនមានតែប្រុសទេ តែមើលដឹងថា សាវាត្រង់ចំនុចណាខ្លះ? ទៅតាមដានទាំងអស់គ្នា៖
១. និយាយច្រើនជាមួយមនុស្សប្រុសផ្សេង
នេះអាចជា សញ្ញាដ៏ច្បាស់មួយ នៅពេលដែលមនុស្សស្រី ចាប់ផ្តើមនិយាយច្រើន ហើយបង្ហាញពី អារម្មណ៍រីករាយខ្លាំង នៅរាល់ពេលពេលដែលនិយាយ ជាមួយមនុស្សប្រុសណាម្នាក់។ ព្រោះមានន័យថា ពួកគេកំពុងតែ ព្យាយាមយល់ពីគ្នា ហើយយូរៗទៅពួកគេក៏នឹង មានអារម្មណ៍ល្អ នឹងគ្នាផងដែរ។
២. ផ្លាស់ប្តូរប្រធានបទនិយាយភ្លាមៗ
ជាក់ស្តែងគឺ នៅពេលដែលនាង និយាយជាមួយអ្នកសុខៗ ហើយមានមនុស្សប្រុសម្នាក់ ចូលមកដែលអាចធ្វើឲ្យ នាងចាប់អារម្មណ៍ ពេលនោះនាងនឹង ព្យាយាមបង្វែរប្រធានបទនិយាយ ជាមួយអ្នកភ្លាមៗ។ ឧ៖ ប្រសិនបើអ្នកកំពុងតែ និយាយពីរឿងអនាគត ជាមួយគ្នាតែពេលដែលនាង បានឃើញមនុស្សប្រុសម្នាក់នោះ ដើរចោលមកនាងនឹងបញ្ឈប់ ការនិយាយ ឬបន្លំទៅនិយាយ ពីរឿងអ្វីផ្សេងវិញ។
៣. ទាមទារការចាប់អារម្មណ៍
ជារួម នាងតែងតែទាមទារ ចង់បានការចាប់អារម្មណ៍ច្រើន ពីមនុស្សដែលនៅជុំវិញខ្លួន ជាពិសេសមនុស្សប្រុស តាមរយៈការស្លៀកពាក់ ចរិត រួមទាំង ការនិយាយស្តីផងដែរ។
៤. មិនចង់នាំអ្នកឲ្យមិត្តភក្តិស្គាល់
នាងនឹងមិនណែនាំអ្នក ទៅឲ្យមិត្តភក្តិរបស់នាង បានស្គាល់នោះទេ ព្រោះនាងគិតថាខ្លាច អ្នកបានដឹងពីរឿងរបស់នាង ហើយក៏ខ្លាចមាន ការពាក់ព័ន្ធច្រើន។
៥. រករឿងឈ្លោះគ្មានហេតុផល
នៅពេលដែលអស់ចិត្តហើយ នាងក៏នឹងព្យាយាមរករឿង ដើម្បីឈ្លោះចែកផ្លូវគ្នា បើទោះបីជា គ្មានរឿងអ្វីក៏ដោយ។ ព្រោះដោយសារតែ នៅពេលដែលនាង អស់អារម្មណ៍ ហើយ ទោះបីអ្នកមិនធ្វើអ្វីសោះ ក៏នាងយល់ថាខុសដែរ។
៦. កាយវិការប្រែសោះកក្រោះ
កាយវិការ ព្រមទាំងការនិយាយស្តី ប្រែជាលែងផ្អែមល្ហែម ដូចកាលពីមុន ទោះបីជានៅជាមួយគ្នា ក៏មិនខ្វល់ពីអ្នក លែងមានអ្វីនិយាយរកគ្នា ច្រើនដូចមុន គិតតែចុចទូរស័ព្ទ ជាដើម។
យ៉ាងណាមិញ ចំណុចដែលបានរឿបរ៉ាប់ខាងលើនេះ ក៏មិនមែនថាសុទ្ធតែត្រឹមត្រូវ ហើយអាចយកចំណុចដែលបានរៀបរាប់ខាងលើ ទៅវិនិច្ឆ័យនារីណាម្នាក់ថា ជាមនុស្សសាវាបាននោះដែរ។ ព្រោះថាការរៀបរាប់ខាងលើ គ្រាន់តែជាការយល់ឃើញ របស់មនុស្សម្នាក់ៗតែប៉ុណ្ណោះ ហើយមនុស្សគ្រប់រូបក៏មាន ចរឹកលក្ខណៈប្លែកៗពីគ្នា មនុស្សស្រីខ្លះនាងមានចរិតលក្ខណៈ រួសរាយពីធម្មជាតិ ដូច្នេះមិនចម្លែកទេ ដែលនាងមានការរាប់អាន បង្កើតទំនាក់ទំនង ជាមួយមនុស្សដទៃទៀតនោះ៕
Bong I.T