បររទេស៖ នេះគឺជារឿងដ៏គួរឲ្យភ្ញាក់ផ្អើលមួយបានកើតឡើង កាលពីប៉ុន្មានថ្ងៃមុននេះ ដោយសារតារារ៉េបអាមេរិក Kanye West បាននិយាយថាខ្លួនគាត់បានឆ្លងវីរុសផ្លូវដង្ហើម កូវីដ១៩ ដោយបានធ្វើតេស្តវិជ្ជមានកាលពីខែកុម្ភៈឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក តារាប្រុសរូបនេះ បានបញ្ជាក់យ៉ាងលម្អិតថា គាត់ពិតជាបានឆ្លងជំងឺនេះ តាំងពីខែកុម្ភៈពិតមែន ប៉ុន្តែបើយើងមើលទៅស្ថានភាពរបស់តារាចម្រៀងរូបនេះ ពិតជាមានលក្ខណៈមាំមួនណាស់ ដោយគាត់ថែមទាំងអាចផ្សព្វផ្សាយទស្សនៈវិស័យរបស់គាត់ បានទូលំលាយទៀតផង ដែលគាត់គិតថាគាត់មានលទ្វភាពគ្រប់គ្រាន់ដើម្បីត្រៀមខ្លួនឈរឈ្មោះ ជាបេក្ខភាពប្រធានាតិបតីអាមេរិកផងដែរ។
ដោយទស្សនៈវិស័យរបស់តារាប្រុសស្បែកខ្មៅរូបនេះ បាននិយាយយ៉ាងច្បាស់ៗដោយមានចំណុចធំៗដូចជា៖
១.យល់ដឹងច្បាស់អំពីជំងឺ កូវីដ១៩ និង វិធីទប់ស្កាត់ប្រជាជន
២.វិធីតែមួយដើម្បីទប់ស្កាត់ជំងឺនេះ បានល្អបំផុតគឺត្រូវខិតខំផលិតវ៉ាក់សាំង
៣.បញ្ចប់សកម្មភាពរំលោភបំពាន របស់ប៉ូលីសទៅលើជនជាតិស្បែកខ្មៅ
៤.ខ្សែភាពយន្ត Black Panther បានជួយឲ្យគាត់សម្រេចគម្រោងការមួយផ្នែកធំ ដែលប្រសិនជាប់ឈ្មោះជាប្រធានាធិបតី គាត់នឹងធ្វើប្រទេសអាមេរិកមានសន្តិភាព
គួររម្លឹកដែរថា Kanye West ក៏បាននិយាយថាមិនត្រឹមតែគាត់នោះទេ ដែលឆ្លងជំងឺកូវីដ១៩ សូម្បីតារាចម្រៀង Drake ក៏បានឆ្លងជំងឺនេះដូចគាត់ដែរ៕