ភ្នំពេញ៖ មហាជនបានស្គាល់ហើយ សិល្បៈការិនីជើងចាស់ ពហុជំនាញ ដែលមានទេពកោសល្យខ្ពស់ទាំងការច្រៀង គ្រប់ទម្រង់សិល្បៈទាំងអស់មិនថាបុរាណ និងសម័យ និងអាចលេងឧបករណ៍តន្ត្រីបុរាណបានគឺ អ្នកនាង ខាត់ សុឃីម ដែលថ្ងៃនេះ កំពុងតែក្តៅក្រហាយចិត្តទៅលើមនុស្សមួយក្រុម ដែលបានចោទចំពោះរូបអ្នកនាងទៅលើរឿងរ៉ាវមួយចំនួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពី១ម៉ោងមុនេះ សិល្បៈការិនីពហុជំនាញរូបនេះ បានបង្ហោះសារខឹងសម្បារ ដែលបង្កឱ្យមានការភ្ញាក់ផ្អើលពីសំណាក់មហាជនឱ្យកាន់តែចង់ដឹង ដោយនៅក្នុងនោះ អ្នកនាង ខាត់ សុឃីម បាន សរសេរសាររយ៉ាងវែង និងមានខ្លឹមសារថា៖
(សូមផ្តាំទៅពួកនរកសុីក្បាលខ្លះដែលគិតរឿងអាក្រក់មកលើខ្ញុំ)
សឹងតែ១ឆ្នាំពេញខ្ញុំបានចំណាយពេលវេលាជាមួយរឿងដែលអាក្រក់អត់ប្រយោជ៍បំផុត ដែលខ្លួនឯងសឹងតែយោងខ្លួនមិនកើតផង តាមជួយគេជាង២ពាន់គ្រួសារ ហើយប្រឹងប្រែងជួយគេអស់ទាំងកិត្តិយស ខាតទាំងទ្រព្យធនយ៉ាងច្រើន ចុងក្រោយបានត្រឹមពាក្យក្បត់ នឹងសងមកវិញនូវភាពឈឺចាប់បំផុតក្នុងជីវិត។
(អ្នកវិភាគដ៏មហិមា នឹងកំពូលអ្នកថ្លៃថ្នូទាំងឡាយដែលមើលងាយខ្ញុំ អ្នកនឹងឈឺចាប់លើសខ្ញុំរាប់ពាន់មុឺនដង ព្រោះអ្នកដឹងតែបាន) អ្នកមិនខ្វល់ថាគេខំប្រឹងប្រែងរហូតភ្លេចឪពុកម្តាយគេទេ អ្នកឯងមានដឹងថា ដោយសាររឿង១នេះ ខ្ញុំបានបាត់ឪពុកដ៏ល្អរបស់ខ្ញុំ ហើយសឹងតែបាត់ម្តាយ ១ទៀត បើជាគ្រួសារអ្នកតើអ្នកមានអារម្មណ៍បែបណា? ខ្ញុំពេលនេះសឹងតែលែងជាមនុស្សហើយ សូមឈប់យកពួកខ្ញុំជាល្បែងទៀតទៅ ខ្ញុំឆ្អែតហើយ បើសិនអាចថយក្រោយខ្ញុំសុំមិនជួបមិនជួយពួកអ្នកទេ (បើខ្ញុំដឹងច្បាស់ថាអ្នកណា១ដែលកំពុងចោទគ្រួសារខ្ញុំទាំងងងឹត ខ្ញុំនឹងធ្វើតាមផ្លូវច្បាប់ (ស្រុកមានច្បាប់)។
យ៉ាងណាមិញ បន្ទាប់ពីបង្ហោះសារទាំងនោះហើយ នៅមិនទាន់បានដឹងនៅឡើយទេថា អ្នកនាង ខាត់ សុឃីម ចង់សំដៅទៅលើអ្នកណាឱ្យប្រាកដ និងមានន័យយ៉ាងណាឱ្យកាន់តែច្បាស់លាស់នោះទេ៕
សូមទស្សនារូបភាពខាងក្រោម៖
Bong I.T