Floyd ជិះយន្តហោះផ្ទាល់ខ្លួនទៅប្រទេសជប៉ុន ដើម្បីពិភាក្សារឿងការប្រកួត ជាការពិតមែនទេ

បរទេស៖ Floyd Mayweather បានបង្ហាញដំណឹងល្ហៀងៗ នៅលើគណនី Instagram ផ្ទាល់ខ្លួនរបស់លោកថានឹងត្រលប់ពីការចូលនិវត្តន៍វិញម្តងទៀត។

Floyd បាននិយាយថាគាត់នឹងហោះហើរទៅប្រទេសជប៉ុនឆាប់ៗនេះ ដើម្បីជួមពិភាក្សារឿងមួយ និងប្រាប់ទៅអ្នកគាំទ្ររបស់គាត់ឲ្យទន្នឹមរង់ចាំថា នឹងមានអ្វីពិសេសក្នុងឆ្នាំនេះ។

គាត់បានបង្ហោះវិដេអូខ្លីមួយ បង្ហាញពីដៃដ៏រស់រវើករបស់គាត់ និងពាក្យមួយចំនួនដែលធ្វើឲ្យហ្វេនអន្ទះសាចង់ដឹងជាខ្លាំង។ Floyd បានសរសេរថា៖

Floyd Mayweather មិនដែលមានការប្រកួតផ្លូវការ តាំងពីគាត់បានផ្តួល Conor ក្នុងឆ្នាំ២០១៧មកម្ល៉េះ ហើយក៏បានចូលនិវត្តន៍ពីអាជីពនាពេលនោះ ជាមួយនឹងលុយរាប់រយលានដែលបានពីការប្រកួត។ នៅចុងឆ្នាំ២០១៨ គាត់បានផ្តួលកីឡាករជប៉ុនវ័យក្មេង Tenshin Nasukawa ត្រឹមទឹកទីមួយប៉ុណ្ណោះ តែការប្រកួតនេះមិនមែនផ្លូវការឡើយ។

រួមជាមួយគ្នានេះ គេក៏បានឃើញគាត់ ហ្វឹកហាត់ទាំងកណ្តាលយប់ និងឃើញគាត់សមជាមួយដៃគូរបស់គាត់ Denis Douglas នៅវេលាជិតភ្លឺផងដែរ៕

ប្រភព៖ The Sun