វ៉ាស៊ីនតោន៖ កាលពីថ្ងៃព្រហស្បតិ៍ម្សិលមិញនេះ ក្រសួងការបរទេសសហរដ្ឋអាមេរិក បានសម្រេចលក់យន្តហោះចម្បាំង F-35 ចំនួន ១០៥គ្រឿង ដែលផលិតដោយក្រុមហ៊ុន Lockheed Martin (LMT.N) ឱ្យទៅប្រទេសជប៉ុន ក្នុងតម្លៃប្រមាណ ២៣ ពាន់លានដុល្លារ។ នេះបើយោងតាមការផ្សាយរបស់ទីភ្នាក់ងារសារព័ត៌មាន Reuters ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងទំហំទឹកប្រាក់ពាន់លានដុល្លារនេះ ប្រទេសជប៉ុនបានបញ្ជាទិញយន្តហោះចម្បាំងប្រភេទ F-35A ចំនួន ៦៣គ្រឿង ប្រភេទ F-35B ចំនួន ៤២គ្រឿង ព្រមទាំងម៉ាស៊ីនរបស់ពួកវាធុន Pratt & Whitney RTX.N F135 ចំនួន ១១០គ្រឿង ក៏ដូចជាឧបករណ៍ដែលពាក់ព័ន្ធមួយចំនួនទៀត។ ហើយលើសពីនេះ វាក៏មានបូកបញ្ចូលទាំង សេវាកម្មជួសជុល និងការបណ្តុះបណ្តាលបច្ចេកទេសរហូតដល់ទៅ ២៥ឆ្នាំ។
ក្រសួងការបរទេសអាមេរិកបានលើកឡើងថា វាគឺជារឿងសំខាន់ណាស់ សម្រាប់សហរដ្ឋអាមេរិក ក្នុងការជួយជ្រោមជ្រែងប្រទេសជប៉ុន ដើម្បីអភិវឌ្ឍនិងរក្សានូវសមត្ថភាពការពារខ្លួនឱ្យបានរឹងមាំ ប្រកបដោយប្រសិទ្ធិភាព។ ហើយក្នុងការសម្រេចលក់អាវុធនេះទៀតសោធន៍ វាក៏មិនធ្វើឱ្យមានការផ្លាស់ប្តូរដល់តុល្យភាពយោធានៅក្នុងតំបន់ដែរ៕