អង់គ្លេស៖ លីគកំពូលរបស់អង់គ្លេស Premier League គ្រោងនឹងទុលពេលឲ្យកីឡាករសម្រាកបិទរដូវកាលនេះតែ២សប្តាហ៍ប៉ុណ្ណោះ ដើម្បីត្រៀមខ្លួនសម្រាប់រដូវកាលថ្មីខាងមុខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាក់ស្តែងក្លិបនៅលីគកំពូលរបស់អឺរ៉ុបនឹងចាប់ផ្តើមធ្វើការប្រកួតកម្តៅសាច់ដុំមុនបើករដូវកាលថ្មី ២០២០-២០២១ (Preseason) នៅថ្ងៃទី១០ខែសីហាខាងមុខ។ ស្របពេលជាមួយគ្នានេះដែរ លីគកំពូល Premier League នឹងធ្វើការបញ្ចប់រដូវកាល ២០១៩-២០២០ របស់ខ្លួននៅថ្ងៃទី២៥ខែនេះ។
ដោយឡែកក្លិបមួយចំនួនដូចជា Manchester City, Manchester United និង Wolves នឹងត្រូវជាប់កាតាព្វកិច្ចនៅពានរង្វាន់ទ្វីបអឺរ៉ុប Champions League និង Europa League នៅចំពេលដែលក្លិបដ៏ទៃទៀតប្រកួតកម្តៅសាច់ដុំសម្រាប់រដូវកាលថ្មី។
យ៉ាងណាមិញ គណៈគ្រប់គ្រងក្លិបទាំងអស់នៅ Premier League ស្នើសុំឲ្យគ្រប់កីឡាករកុំឲ្យធ្វើដំណើឆ្ងាយៗពេក ពោលគឺដើរលេងតែក្នុងប្រទេសអង់គ្លេសទៅបានហើយពីព្រោះពេលសម្រាកមានរយៈពេលខ្លី ដោយរដូវកាលថ្មី ២០២០-២០២១ នឺងត្រូវចាប់ផ្តើមនៅថ្ងៃទី១២ខែកញ្ញាខាងមុខនេះហើយ៕
ប្រភព៖ dailymail
Bong I.T