តូក្យូ៖ យោងតាមរដ្ឋបាលទីក្រុងតូក្យូបានឲ្យដឹងថា ករណីឆ្លងថ្មីនៃជំងឺកូវីដ-១៩ សរុបប្រចាំថ្ងៃចំនួន ២២៤ករណី បានកត់ត្រាចេញពីទីក្រុងតូក្យូនៅថ្ងៃព្រហស្បតិ៍នេះ។ នេះបើតាមការដកស្រង់ពីសារព័ត៌មានជប៉ុន NHK ថ្ងៃទី០៩ ខែកក្កដា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំនួនសរុបប្រចាំថ្ងៃខាងលើ គឺជាចំនួនខ្ពស់បំផុតសម្រាប់រដ្ឋធានីរបស់ជប៉ុនមួយនេះ ខណៈករណីសរុបខ្ពស់បំផុតកាលពីមុនមានចំនួនត្រឹមតែ ២០៦ករណីប៉ុណ្ណោះ ដែលបានកត់ត្រាកាលពីថ្ងៃទី១៧ ខែមេសាកន្លងទៅ។ សូមបញ្ជាក់ថា នៅថ្ងៃពុធម្សិលមិញ ទីក្រុងតូក្យូក៏បានរកឃើញករណីឆ្លងថ្មីទាបជាង ១០០ករណី ដែលជាចំនួនធ្លាក់ចុះលើកដំបូងក្នុងរយៈពេល ៧ថ្ងៃផងដែរ។
គួរឲ្យដឹងដែរថា ករណីឆ្លងសរុបនៅក្នុងទីក្រុងតូក្យូពេលនេះ មានចំនួន ៧,២៧២ករណី ស្លាប់ជាង៣០០នាក់ ខណៈប្រទេសជប៉ុនទាំងមូលមានករណីឆ្លងសរុបចំនួន ២០,១៧៤ករណី និងស្លាប់ប្រមាណ ៩៨០នាក់៕
សូមទស្សនារូបភាពខាងក្រោម៖