ខ្សែប្រយុទ្ធក្លិប Bayer Leverkusen កីឡាករ Kai Havertz ត្រូវបានគេរាយការណ៍ថា មានបំណងចង់ភ្ជាប់ទំនាក់ទំនងជាមួយមិត្តរួមក្រុមជម្រើសជាតិអាល្លឺម៉ង់គឺ Timo Werner និង Antonio Rudiger នៅឯក្លិបតោខៀវ Chelsea ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្មានថ្ងៃចុងក្រោយនេះ ក្លិបតោខៀវ Chelsea បានរំពឹងទុកថានឹងអាចចុះហត្ថលេខាកីឡាករ Havertz ឱ្យបានមុនរដូវកាលក្រោយចាប់ផ្តើម។
កីឡាករនាំលេងសញ្ជាតិអាល្លឺម៉ង់រូបនេះនឹងមានតម្លៃខ្លួនក្នុងស្រុករហូតដល់ ៩០ លានផោន ទោះបីជាបច្ចុប្បន្នគ្រប់ក្លិបទាំងអស់កំពុងតែជួបបញ្ហាប្រឈមទាក់ទងនឹងជំងឺឆ្លង Covid-19 ក្តី។
ទោះយ៉ាងណា សារព័ត៌មាន The Telegraph បានរាយការណ៍ថា Havertz កំពុងទន្ទឹងរង់ចាំការផ្លាស់ទៅកាន់ក្រុមខៀវ Chelsea ដែលមានមូលដ្ឋាននៅទីក្រុងឡុងដ៍ ដើម្បីអាចលេងជាមួយមិត្តរួមក្រុមជម្រើសជាតិរបស់គាត់គឺ Rudiger និង Werner ។
កីឡាករ Werner នឹងគ្រងអាវរបស់ក្រុមតោខៀវ Chelsea នៅរដូវកាល ២០២០-២១ បន្ទាប់ពីបញ្ចប់ការផ្ទេរពីក្រុម RB Leipzig កាលពីខែមុន ខណៈពេលដែល Rudiger បានបង្ហាញខ្លួន ១០៩ លើកឱ្យក្រុមតោខៀវចាប់តាំងចាកចេញពីក្រុម Roma ក្នុងឆ្នាំ ២០១៧ ។
Havertz ដែលធ្លាប់មានទំនាក់ទំនងជាមួយ Liverpool, Manchester United និង Bayern Munich ផងនោះបានរកគ្រាប់បាល់បាន ១៧ គ្រាប់ និង Assist បាន ៩ លើកឱ្យក្រុម Leverkusen គ្រប់ការប្រកួតទាំងអស់នៅរដូវកាលនេះ៕
ប្រភព៖ Sportsmole