វីដេអូ៖ រាំចង្វាក់ Harlem Shake ក្បែរភ្លើង ស្រាប់តែភ្លាត់ជើងធ្លាក់ចូលភ្លើង

“Harlem Shake” គឺជាចង្វាក់រាំ ដែលកំពុងទទួលបាន ប្រជាប្រិយភាពយ៉ាងខ្លាំង នៅគ្រប់ទីកន្លែងលើពិភពលោក ដោយមានមនុស្សជាច្រើន ថតសកម្មភាពនៃការរាំចង្វាក់ Harlem Shake នេះ រួចយកទៅបង្ហោះលើវេបសាយ Youtube ឬ បណ្តាញទំនាក់សង្គម ផ្សេងៗជាច្រើនទៀត។

ដូចគ្នានេះដែរ ខ្សែវីដេអូមួយ បានបង្ហាញពីបុរសមួយក្រុម បានសម្តែងក្បាច់រាំ Harlem Shake នៅក្បែរភ្លើង រំពេចនោះស្រាប់តែមានបុរសម្នាក់ ភ្លាត់ជើងធា្លក់ចូលទៅក្នុងភ្លើងតែម្តង។ ទោះបីជាយ៉ាងនេះក៏ដោយ វាគឺជាហេតុផលមួយដ៏ល្អ សម្រាប់ប្រាប់អ្នកដទៃទៀត កុំឲ្យរាំចង្វាក់ Harlem Shake នៅក្បែរភ្លើង។

យ៉ាងណាមិញ វាជាសំណាងល្អរបស់បុរសនោះ ដោយសារតែគាត់ បានងើបចេញពីភ្លើងទាន់ពេលវេលា មិនបង្កឲ្យមានរបួសធ្ងន់ធ្ងរនោះទេ។ ចំនែកឯអ្នកនិយមលេងអ៊ីនធឺណិត ដែលបានឃើញវីដេអូនេះហើយ បានដាក់ឈ្មោះឲ្យថា “Harlem Bake”៕

សូមទស្សនាវីដេអូខាងក្រោមទាំងអស់គ្នា៖

ដោយ ៖ ប៊ី

ខ្មែរឡូត