កូរ៉េខាងត្បូង ៖ ថ្មីៗនេះ នៅលើគេហទំព័រមួយ បានបង្ហាញអត្ថបទ ដែលបង្កឱ្យមានការភ្ញាក់ផ្អើល នៅក្នុងបណ្តាញសង្គម ជាពិសេសសម្រាប់អ្នកដែលស្រលាញ់ ក្រុមចម្រៀងស្រី BLACKPINK។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយអ្នកនិយមលេងអ៊ីនធឺណែតម្នាក់ ដែលត្រូវបង្ហាញថា ខ្លួនជាមិត្តរួមថ្នាក់របស់ Jennie បានធ្វើការចោទប្រកាន់ថា សមាជិកក្រុមចម្រៀងស្រីដ៏មានឥទ្ធិពលម្នាក់នេះ បានធ្វើបាបនាង កាលពីពេលដែលនាង នៅរៀនឯសាលារៀនមួយជាមួយគ្នា ដោយសារតែភាសាអង់គ្លេសរបស់នាង មិនស្ទាត់ជំនាញ។
ក្នុងនោះផងដែរ នាងក៏បានចែករំលែកទៀតថា នាងមានការអាក់អន់ចិត្ត និងតូចចិត្តជាខ្លាំង។ នាងខំអត់ធ្មត់ណាស់ ទម្រាំបញ្ឈប់គំនិត គិតពីការធ្វើអត្តឃាតខ្លួនឯង ព្រោះតែរឿងអស់ទាំងនេះ។
យ៉ាងណាមិញ បុគ្គលនេះមិនបានបញ្ជាក់ឈ្មោះពេញថាជា Jennie នោះទេ ប៉ុន្តែនាងបានប្រើអក្សរកាត់ថា “KJ” ដែលស្រដៀងនឹងឈ្មោះពេញរបស់ Jennie គឺ Kim Jennie។
ហើយយោងតាមសាច់រឿងនេះ KJ គឺកើតនៅឆ្នាំ ១៩៩៦ ហើយម្នាក់ទៀតកើតនៅឆ្នាំ ១៩៩៥ អ្នកទាំងពីរជាសិស្សរួមថ្នាក់គ្នា។
រឿងនេះបានកើតឡើង តាំងពីកំឡុងឆ្នាំ ២០១០ នៅពេលដែលនាង ទើបតែមកដល់ប្រទេស New Zealand នៅពេលនោះ ភាសាអង់គ្លេសរបស់នាង មិនស្ទាត់ជំនាញប៉ុន្មានទេ នោះជាពេលដែលនាង ត្រូវបានបគ្គលឈ្មោះ KJ និងមិត្តភក្តិបរទេសរបស់ KJ ធ្វើបាបឱ្យអាម៉ាស់មុខយ៉ាងខ្លាំង រហូតនាងមានកូនចិត្ត ចង់ធ្វើអត្តឃាតខ្លួនឯងទៀតផង កាលពីពេលនោះ។
យ៉ាងណាមិញ ចំពោះពាក្យចចាមអារ៉ាម ដ៏ភ្ញាក់ផ្អើលមួយនេះ យើងមិនបានដឹងថា វាជារឿងពិត ឬយ៉ាងណានោះទេ តែទោះជាយ៉ាងណាក៏ដោយ អ្នកលេងបណ្ដាញអ៊ីនធឺណេតភាគច្រើន គិតថាវាគ្រាន់តែជាការចោតប្រកាន់តែប៉ុណ្ណោះ៕
ទស្សនារូបភាពខាងក្រោម ៖