បរទេស៖ រូបភាពផ្កាយរណបថ្មីមួយដែលសារព័ត៌មាន CNN ទើបទទួលបាន បង្ហាញពីសកម្មភាពថ្មីៗ នៅរោងចក្រកូរ៉េខាងជើង ដែលមិនបានប្រកាសកាលពីមុន ដែលអ្នកស្រាវជ្រាវសង្ស័យថា វាត្រូវបានប្រើដើម្បីផលិតក្បាលគ្រាប់នុយក្លេអ៊ែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរូបភាពដែលត្រូវថតបានដោយក្រុមហ៊ុន Planet Labs និងវិភាគដោយអ្នកជំនាញនៅវិទ្យាស្ថាន Middlebury Institute of International Studies បានបង្ហាញថា ទីតាំងដែលស្ថិតនៅក្នុងភូមិ Wollo-ri ក្បែររដ្ឋធានីព្យុងយ៉ាងរបស់ប្រទេសនេះ ហើយមិនត្រូវបានបង្ហាញជាសាធារណៈទេ។ វាត្រូវបានគេជឿថា សកម្មភាពទាំងនេះអាចនឹងពាក់ព័ន្ធជាមួយកម្មវិធីនុយក្លេអ៊ែររបស់កូរ៉េខាងជើង ហើយនៅតែដំណើរការ។
អ្នកវិភាគបានលើកឡើងថា នៅក្បែររោងចក្រគេឃើញមានមធ្យោបាយដឹកជញ្ជូនជាច្រើនដែលកំពុងចរាចរណ៍ ដូចជាឡានដឹកទំនិញនិងកុងតឺន័រដឹកទំនិញផងដែរ ហើយរោងចក្រនេះគឺសកម្មណាស់។ សកម្មភាពទាំងនោះមិនបានថយចុះទេ ហើយវានៅតែផលិតអាវុធនុយក្លេអ៊ែរ។
ខណៈកន្លែងនេះត្រូវបានគេកំណត់អត្តសញ្ញាណក្នុងឆ្នាំ២០១៥ ដោយអ្នកស្រាវជ្រាវនៅមជ្ឈមណ្ឌល James Martin Center for Nonproliferation Studies លោក Lewis និងអ្នកស្រាវជ្រាវដទៃទៀតបានសម្រេចចិត្តមិនផ្សព្វផ្សាយជាសាធារណៈ នូវទីតាំងនេះ ពីព្រោះគេមិនអាចកំណត់តួនាទីជាក់លាក់របស់វា នៅក្នុងកម្មវិធីនុយក្លេអ៊ែររបស់កូរ៉េខាងជើង៕