មានដឹងអត់ថា តារាសម្តែងថៃរូបណាខ្លះបានសម្តែងជាគូនឹងគ្នា ពេលចាប់ផ្តើមចាប់អាជីពជាតារាសម្តែងលើកដំបូង?

ថៃ៖ អ្នកគាំទ្រជាច្រើនបានតាមដានរឿងភាគថៃស្ទើរតែមិនរំលងសូម្បីតែមួយរឿង ប៉ុន្តែមានធ្លាប់ចាប់អារម្មណ៍អត់ថា តើតារាសម្តែងរូបណាខ្លះដែលបានចាប់ដៃគូសម្តែងជាមួយគ្នា ពេលចាប់ផ្តើមសម្តែងជាលើកដំបូង?

១. លោក Ken Phupoom និងកញ្ញា Toey Jarinporn

តារាសម្តែងលោក Ken Phupoom និងកញ្ញា Toey Jarinporn បានចាប់ដៃគូសម្តែងនៅក្នុងរឿងភាគដែលមានចំណងជើង “ Sarm Noom Nuer Tong” នៅក្នុងឆ្នាំ២០១១។

២. លោក Puen Khanin និងកញ្ញា Bua Nalinthip

ចំណែកឯ តារាសម្តែងលោក Puen Khanin បានចាប់ដៃគូជាមួយនឹងកញ្ញា Bua Nalinthip ក្នុងឆ្នាំ ២០១៤ ដែលរឿងនោះមានចំណងជើងថា “ Ruk Nee Jhe Jud Hai” គួរបញ្ជាក់ផងដែរថា លោក Ohm Atshar និងលោក Matt Peranee ជាអ្នកដឹកនាំសម្តែងក្នុងរឿងភាគនេះ។

៣. លោក James Jirayu និងកញ្ញា Nychaa Nuttanicha

ដោយឡែក លោក James Jirayu បានសម្តែងក្នុងរឿងភាគដែលមានចំណងជើងថា “ Wanchalerm” នៅក្នុងឆ្នាំ២០១២។ រី​​ឯ រឿងភាគថៃដែលលោកសម្តែង ហើយទទួលបានការគាំទ្រខ្លាំងជាងគេនៅក្នុងបុស្តិ៍ TV3 គឺមានចំណងជើងថា “Thong Nuea Kao”។ រី​ឯកញ្ញា Nychaa Nuttanicha បានសម្តែងដើរជាតួ ‘Som’ ប៉ុន្តែពួកគេទាំងពីរមិនបានចាប់ដៃគ្នាជាគូសម្តែងក្នុងរឿងភាគនេះឡើយ។ ដូច្នេះ អ្នកគាំទ្រជាច្រើនបានសំណូមពរឲ្យតារាសម្តែងលោក James Jirayu និងកញ្ញា Nychaa Nuttanicha សម្តែងរួមគ្នាក្នុងរឿងភាគថ្មីនេះ៕