អង់គ្លេស៖ អគារប៉មមួយ ឈ្មោះថា Sway Tower ស្ថិតនៅក្នុងតំបន់ Hampshire ប្រទេសអង់គ្លេស ដែលមានកម្ពស់១៤ជាន់ (ប្រមាណ៦៦,៥ម៉ែត្រ) និងត្រូវបានប្រកាសដាក់លក់ក្នុងតម្លៃរាប់លានដុល្លារអាមេរិកឯណោះកាលពីថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអគារប៉ម Sway Tower ត្រូវបានសាងសង់ឡើងនៅក្នុងឆ្នាំ១៨៧៩ ដោយមិនមានបេតុងឡើយ ហើយត្រូវបានគេជឿជាក់ថាវាមានកម្ពស់ខ្ពស់ជាងគេបំផុតនៅលើពិភពលោកផងដែរ។ ចំពោះបរិស្ថានជុំវិញ គឺអាចគយគន់នូវទេសភាពដ៏ស្រស់ត្រកាលព្រៃឈើ និងឆ្នេរសមុទ្រខាងត្បូង រួមនឹងកោះ Isle of Wight ទៀតផង។
អស់រយៈពេល៤៧ឆ្នាំមកហើយ អគារប៉មគឺជាកម្មសិទ្ធរបស់គ្រួសារលោក Pual Atlas ដែលមានវ័យ៧៣ឆ្នាំ តែពេលនេះ លោកកំពុងស្វែងរកម្ចាស់ថ្មី ដោយប្រកាសដាក់លក់ក្នុងតម្លៃ២.៥លានផោន (ប្រមាណ៣.១លានដុល្លារអាមេរិក)។
លោក Pual Atlas បានមានប្រសាសន៍ថា គ្មាននរណាម្នាក់លក់អគារប៉មបែបនេះពីមុនឡើយ ហើយក៏គ្មាននរណាម្នាក់នឹងលក់ដែរ។ ឆ្នាំនេះលោកមានវ័យឈានចូល៧៤ឆ្នាំហើយ ដោយលោកគិតថា លោកគួរតែផ្លាស់ប្ដូរខ្លះមុនពេលទទួលមរណភាពទៅ។ ប្រសិនបើនរណាម្នាក់ឲ្យតម្លៃសមរម្យ លោកនឹងលក់ទៅឲ្យភ្លាមៗ។
គួរឲ្យដឹងដែរថា អគារប៉មនេះមានកាំជណ្ដើរចំនួន៣៣០កាំ បន្ទប់គេងចំនួន៤ អាងហែលទឹកដ៏ធំ កន្លែងវាយសី បូករួមទាំងទីធ្លាធំទូលាយ។ ហើយចំពោះអ្នកដែលជាម្ចាស់ ក៏អាចជួលទៅឲ្យសេវាទូរគមនាគមន៍ ដែលអាចរកប្រាក់ចំណូលបានចំនួន៣៥,០០០ផោនក្នុងមួយឆ្នាំផងដែរ (ប្រមាណ៤៤,០០០ដុល្លារអាមេរិក)៕
សូមទស្សនារូបភាពខាងក្រោម៖