បើចង់បន្តកុងត្រា!​ Abraham ទាមទារឲ្យ Chelsea ដំឡើងប្រាប់ពលកម្មឲ្យខ្លួនរហូតដល់ទៅ...

អង់គ្លេស៖ កីឡាករ Tammy Abraham ត្រូវបានគេរាយកាណ៍មកថាបានទាមទារឲ្យក្លិប Chelsea ដំឡើងប្រាក់ពលកម្មឲ្យខ្លួនរហូតដល់ទៅ១៣មុឺនផោន (ឬ១៦មុឺនដុល្លារ) ក្នុងមួយសប្តាហ៍ប្រសិនបើក្លិបចង់បន្តកុងត្រាថ្មីជាមួយរូបគេ។

គួរឲ្យដឹងដែរថាជើងស៊ុតសញ្ជាតិអង់គ្លេស បានបង្ហាញទម្រង់លេងយ៉ាងល្អឲ្យក្លិបតោខៀវ Chelsea នៅរដូវកាលនេះដោយរកបាន១៥គ្រាប់នៅក្នុង៣៩ប្រកួត ហើយក៏កំពុងតែជាប់ជាកីឡាករឈុតទី១របស់លោក Frank Lampard ផងដែរ។

ក្លិប Chelsea ថ្មីៗនេះបានទិញកីឡាករ Timo Werner ពីក្លិប RB Leipzig ដែលមើលទៅ កាន់តែបន្ថែមសម្ពាធឲ្យកីឡាករ Abraham ក្នុងការធ្វើយ៉ាងណាឲ្យ Chelsea មើលឃើញរូបគេជាកីឡាករជម្រើសទី១នោះ។ ជាក់ស្តែងក្លិបមួយនេះចំណាយលើកីឡាករថ្មី Werner រហូតដល់ទៅ១៧មុឺនផោន (ឬ២១មុឺនដុល្លារ) ឯណោះក្នុងមួយសប្តាហ៍។

យ៉ាងណាមិញ Abraham ដែលកំពុងតែមានប្រាក់ពលកម្ម៥មុឺនផោ​ន (ឬប្រមាណ៦មុឺនដុល្លារ) ក្នុងមួយសប្តាហ៍នោះ បានធ្វើការទាមទារឲ្យ Chelsea ដំឡើងឲ្យខ្លួនដល់ទៅប្រមាណ១៦ម៉ឺនដុល្លារ ក្នុងមួយសប្តាហ៍ដើម្បីបន្តកុងត្រាថ្មី ដោយកុងត្រាចាស់របស់គេជាមួយក្លិបនឹងត្រូវបញ្ចប់នៅឆ្នាំ២០២២ខាងមុខ៕

ប្រភព៖ sportsmole