កូរ៉េខាងត្បូង៖ Seo Ye-ji គឺកំពុងទទួលបានការគាំទ្រយ៉ាងខ្លាំងពីទស្សនិកជន និងអ្នកគាំទ្រតាមរយៈការសម្តែងនៅក្នុងរឿងភាគកូរ៉េថ្មីដែលទើបតែចេញបាន ៦ ភាគនោះគឺមានចំណងជើងថា "It's Okay to Not Be Okay"។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះភាគចុងក្រោយនេះ គឺមានការផ្ទុះពេញបណ្ដាញសង្គមខ្លាំងមែនទែនចំពោះឈុតដែលនាងស្លៀក ឈុតពណ៌ផ្កាឈូកចេញផ្សិតដែលអាចឲ្យទស្សនិកជនបានឃើញរាងរបស់នាងដែលមានរាងតូចខ្លាំងដូចស្រមោចអ៊ីចឹង។
ក្នុងនាមជាតារាសម្តែងស្រីដែលមានកម្ពស់ ១៦៩ សង់ទីម៉ែត្រ និងទម្ងន់ ៤៣ គីឡូក្រាមនោះ ច្បាស់ណាស់គឺនាងច្បាស់ជាសមជាមួយនឹងឈុតប៊ីគីនីហើយ។ យ៉ាងណាមិញ Seo Ye-ji គឺបដិសេធលែងហ៊ានពាក់ឈុតបែបនោះហើយ។
នៅក្នុងកម្មវិធីដែលមានឈ្មោះថា Knowing Bros កាលពីឆ្នាំ ២០១៧ ដែលរៀបចំឡើងដោយ JTBC នោះ Seo Ye-ji បានរៀបរាប់ប្រាប់ពីដំណើរដើមទងនៃរឿងឈុតប៊ីគីនីនេះ។
ដោយកាលពីជំនាន់នាងកំពុងតែសិក្សានៅប្រទេសអេស្ប៉ាញនោះ លោកយាយរបស់ Seo Ye-ji ដែលបានរស់នៅជាមួយនាងបានដេញនាងឲ្យទៅហែលទឹកនៅឯអាងហែលទឹក ប៉ុន្តែនាងបានបដិសេធដោយនិយាយថា នាងគ្មានឈុតងូតទឹក។ បើទោះបីជា Seo Ye-ji ប្រកែកក្តីក៏លោកយាយបានប្រាប់ Seo Ye-ji ឲ្យស្លៀកខោក្នុងដោយចាត់ទុកវាជាប៊ីគីនី ថែមទាំងបានអះអាងថាអាងហែលទឹកនោះគឺគ្មានមនុស្សទេ។
យ៉ាងណាមិញ លោកយាយរបស់នាងគឺបានគិតខុសទៅហើយ។ អំឡុងពេល Seo Ye-ji ចុះទៅក្នុងអាងហែលទឹកហើយ ស្រាប់តែមានប្រុសៗជនជាតិអេស្ប៉ាញមួយក្រុមធំបានចុះមកអាងហែលទឹកដែរ។ លោកយាយនាងក៏បានចង្អុលនាងថា នាងស្លៀកខោក្នុងដោយចង់ឲ្យនាងឡើងមកលើវិញ ជាហេតុធ្វើឲ្យបុរសមួយក្រោមនោះចាប់អារម្មណ៍ថានាងបានស្លៀកខោក្នុងទៅហែលទឹក។
នេះជាដើមហេតុដែលធ្វើឲ្យ Seo Ye-ji ភ័យខ្លាចលែងហ៊ានស្លៀកឈុតប៊ីគីនីតទៀតហើយ៕
ទស្សនាវីដេអូខាងក្រោម៖