បរទេស៖ កីឡាករ Jorge Masvidal នឹងត្រូវប្រកួតជាមួយ Kamaru Usman បន្ទាប់សម្រេចកិច្ចព្រមព្រៀង ក្រោយជជែកគ្នាអស់១សប្ដាហ៍។ ការប្រកួតនៅលើកោះដំបូងបង្អស់របស់កម្មវិធី UFC ដែលនឹងត្រូវប្រព្រឹត្តិទៅនៅកោះ Abu Dhabi ប្រទេសអារ៉ាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងសេចក្ដីរាយការណ៍បានឲ្យដឹង Usman ត្រូវប៉ះកីឡាករប្រេស៊ីល Gilbert Burns ប៉ុន្តែត្រូវបានរំសាយទៅវិញដោយសារកីឡាកររូបនេះមានផ្ទុកវីរុសកូរ៉ូណា។ បន្ទាប់ពី Burns មិនអាចប្រកួតបាន កីឡាករ Masvidal ក៏បានសម្លឹងឃើញការប្រកួតនេះ។
ទោះបីជាមានការព្រមព្រៀងគ្នារវាងគូទាំងពីរ ប៉ុន្តែមុនធ្វើការប្រកួតក៏តម្រូវឲ្យ ធ្វើតេស្តស្វែងរកវីរុសកូរ៉ូណាជាមុនសិនផងដែរ។ អ្នកទាំងពីរបានតេស្តពិនិត្យនៅទីក្រុង Las Vegas ហើយលទ្ធផលបង្ហាញថាអវិជ្ជមាន ក្រោយការរង់ចាំរយះពេល២៤ម៉ោង ក្រោយមកក៏ធ្វើដំណើរ ទៅកាន់ដែនកោះ ដើម្បីត្រៀមប្រកួត។
ក្នុងការប្រកួតដ៏អស្ចារ្យនេះ Masvidal ទទួលបានទឹកប្រាក់តែពាក់កណ្តាលប៉ុណ្ណោះ បើធៀបទៅនឹងជំនួបដណ្តើមខ្សែក្រវ៉ាត់ពិភពលោកជាមួយ Nate Diaz កាលពីខែវិច្ឆិកាមុន។
គួរឲ្យដឹងដែរថា Usman និង Masvidal ប្រកួតក្នុងគូឯក នៅថ្ងៃអាទិត្យ ទី១២ ខែកក្កដាខាងមុខនេះ នៅលើកោះ Abu Dhabi របស់ប្រទេសអារ៉ាប់៕
ប្រភព៖ The Sun