សន្ទុះ​នៃ​ការ​គាំទ្រ​នៅ​តែ​ខ្លាំង​! ភាពយន្តថៃទាំង ២រឿងនេះ​ នៅ​តែ​រក្សា​ចំណាត់​ថ្នាក់​រឿងល្បីពីអ្នកគាំទ្រ

រឿងភាគថៃថ្មីចំនួន ២ រឿង ដែលមានចំណងជើងថា “Marn Bang Jai” និង “Payakorn Sorn Ruk” សង្កេតឃើញគឺនៅតែអាចរក្សាចំណាត់ថ្នាក់ពីការគាំទ្ររបស់ទស្សនិកជនយ៉ាងខ្លាំងផងដែរ។

នៅថ្ងៃទី ៦ ខែកក្កដា រឿងភាគថៃរបស់ប៉ុស្តិ៍លេខ3 ដែលមានចំណងជើងថា “Payakorn Sorn Ruk” សម្តែងដោយលោក James Jirayu និងកញ្ញា Ice Preechaya គឺបានទទួលចំណាត់ថ្នាក់ជាមធ្យមចំនួន 2.5ភាគរយទូទាំងប្រទេស។

ទន្ទឹមនឹងគ្នានេះផងដែរ រឿងភាគរបស់ទូរទស្សន៍ប៉ុស្តិ៍លេខ7 ដែលមានចំណងជើងថា “Marn Bang Jai” ក៏បានទទួលចំណាត់ថ្នាក់ជាមធ្យមចំនួន 4.9ភាគរយ។ ចំពោះរឿងភាគនេះមានការសម្តែងដោយលោក Weir Sukollawat និងកញ្ញា Mookda Narinrak។ គួរបញ្ជាក់ផងដែរថា រឿងភាគនេះនៅតែជាប់ចំណាត់ថ្នាក់លេខ1 ដដែលរបស់ប៉ុស្តិ៍ទូរទស្សន៍ថៃទាំងអស់។

ដោយឡែកសម្រាប់រឿងភាគថ្មីរបស់ប៉ុស្តិ៍ ONE 31 ដែលមានចំណងជើងថា “ Ruk Laek Pop” ដែលចូលរួមសម្តែងដោយ Film Thanapat និង Vill Wannarot ទទួលបានចំណាត់ថ្នាក់ ១.៥ ភាគរយ។

រឿងភាគថ្មីរបស់ទូរទស្សន៍ ONE 31 ដែលមានចំណងជើងថា “Ruk Laek Pop” ដែលចូលរួមសម្តែងដោយលោក Film Thanapat និងកញ្ញា Vill Wannarot គឺទទួលបានចំណាត់ថ្នាក់ 1.5ភាគរយផងដែរ៕