ភ្នំពេញ៖ គ្រប់ស្រទាប់យុវវ័យទាំងអស់ប្រាកដបានជាស្គាល់រួចមកហើយឌីជេ Maily ដែលតែងតែធ្វើឲ្យអ្នកគាំទ្របានរំសាយអារម្មណ៍តាមរយៈបទភ្លេងពីរោះៗបែប ROCK និងញាក់កន្តាក់អារម្មណ៍ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមកម្មវិធីមួយដែលបានបង្ហោះនៅលើបណ្តាញសង្គមហេ្វសប៊ុកបានឲ្យដឹងថា ជីវិតពិតរបស់ Maily គឺជានារីម្នាក់ដែលមានការតស៊ូ និងតែងតែជម្នះនូវរាល់ឧបសគ្គដែលកើតមានឡើង មុនពេលដែលចាប់អាជីពជាឌីជេចាក់ភ្លេងមួយរូបដ៏ល្បីនេះ នាងក៏ធ្លាប់ជាតារាសម្តែងក្នុងរឿងភាគទូរទស្សន៍បែបអប់រំមួយ ដែលមានសន្ទុះនៃការគាំទ្រជាខ្លាំងនៅអំឡុងឆ្នាំ ២០១៣ ដែលមានចំណងជើងថា រលកសំឡេង របស់ផលិតកម្ម ខ្មែរមេគង្គ។
មូលហេតុដែលនាងចាប់យកអាជីពជាតារាសម្តែងបានបន្តិច និងក្រោយមកបែរជាចាប់យកឌីជេចាក់ភ្លេងមកទល់ពេលសព្វថ្ងៃនេះ ដោយសារតែនាងចូលចិត្តការសម្តែងនៅក្នុងខ្សែភាពយន្ត និងមួយវិញទៀតក៏ចូលចិត្តស្តាប់បទភ្លេងបែបញាក់កន្ត្រាក់អារម្មណ៍នៅតាមបណ្តាញសង្គមនានា និងជាពិសេសការតុបតែងខ្លួនបែបអ៊ឺរ៉ុបដែលមានសម្លៀកបំពាក់ពណ៌ឆើតៗ។ មិនត្រឹមតែប៉ុណ្ណោះការងារជាឌីជេចាក់ភ្លេងនៅតាមភោជនីយដ្ឋាន ការប្រគំតន្ត្រី និងក្លិបរាត្រីនានានេះ នាងបានឆ្លងកាត់ការសិក្សាដោយផ្ទាល់ពីគ្រូដែលមានជំនាញផងដែរ។
ការងារទាំងអស់ដែល Maily តែងតែធ្វើកន្លងមក គឺមានការគាំទ្រយ៉ាងពេញទំហឹងពីសំណាក់ក្រុមគ្រួសារ មនុស្សដែលនាងស្រឡាញ់ និងជាពិសេសអ្នកគាំទ្ររបស់នាងដែលតែងតែស្រែកហូរគ្រប់ពេលដែលបានឮបទភ្លេងរបស់នាងម្តងៗ។ អ្វីដែលឲ្យនាងមិនអាចទប់ទឹកភ្នែកបានពេលដែលនាងកំពុងសម្តែងជាឌីជេចាក់ភ្លេងនៅលើឆាកតន្ត្រីទាំងក្នុងស្រុក និងអន្តរជាតិ គឺគ្រប់ពេលដែលនាងឃើញការគាំទ្រពីសំណាក់យុវវ័យ និងអ្នកគាំទ្រជាច្រើនស្រែហ៊ោកញ្ជ្រៀវ សប្បាយរីករាយនៅចំពោះមុខរបស់នាងផងដែរ៕
សូមមើលរូបភាពរបស់នាងទាំងអស់គ្នា៖