កូឡុំប៊ី៖ ប៉ូលីសក្នុងតំបន់និយាយថា យ៉ាងហោចណាស់មនុស្ស ៧ នាក់បានឆេះរហូតដល់ស្លាប់ បន្ទាប់ពីរថយន្តដឹកប្រេងក្រឡាប់បានផ្ទុះនៅភាគខាងជើងប្រទេសកូឡុំប៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ូលីសបាននិយាយថា មនុស្សជាង ៤០ នាក់បានរងរបួសនៅក្នុងឧប្បត្តិហេតុនេះនៅតាមដងផ្លូវក្បែរទីប្រជុំជន Pueblo Viejo នៅលើឆ្នេរសមុទ្រការ៉ាបៀន។
មនុស្សជាច្រើននាក់បានដណ្ដើមគ្នាទៅដួសយកប្រេង បន្ទាប់ពីឡានដឹកប្រេងនោះក្រឡាប់។ ស្រាប់តែភ្លាមៗនោះភ្លើងក៏៏៏បានឆាបឆេះឡើងជាខ្លាំងដែលបានសម្លាប់មនុស្ស ៧ នាក់ និងរងរបួសជាង ៤០ នាក់។
អ្នករងរបួសត្រូវបានបញ្ជូនទៅកាន់មន្ទីរពេទ្យជាច្រើនក្នុងតំបន់នោះ។ ពួកគេខ្លះមានការរលាកធ្ងន់ធ្ងរហើយមានការភ័យខ្លាចថាចំនួនអ្នកស្លាប់នឹងកើនឡើងថែមទៀត៕
សូមទស្សនាវីដេអូខាងក្រោម៖
ប្រភព៖ BBC