អេស៉្បាញ៖ លោក Josep Maria Bartomeu ដែលជាប្រធានក្លិប Barcelona បានចេញមកបញ្ជាក់ថាកីឡាករ Lionel Messi នឹងនៅលេងជាមួយក្លិបបន្តទៀត ហើយរូបគេអាចនឹងបញ្ចប់អាជីពជាកីឡាករបាល់ទាត់ នៅទឹកដី Camp Nou នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យ៉ាងណាមិញ នេះក៏ជាសញ្ញាមិនល្អផងដែរដល់ក្លិបធំៗមួយចំនួនដែលចង់បាន Messi ទៅរួមក្រុមដូចជា Juventus និង Manchester City ជាដើម។ ប៉ុន្តែតារាវ័យ៣៣ឆ្នាំរូបនេះមិនទាន់ធ្វើការចុះកិច្ចសន្យាដើម្បីបន្តកុងត្រាជាផ្លូវការនៅឡើយទេជាមួយក្លិប Barcelona។
ដោយឡែកនៅពេលសួរដល់រឿងអនាគតកីឡាករ Messi ជាមួយនឹង Barca នោះ លោក Josep Maria Bartomeu បានមានប្រសាសន៍ប្រាប់អ្នកសារព័ត៌មានថា៖
ខ្ញុំមិនចង់បកស្រាយច្រើនទេ ពីព្រោះពេលនេះយើងកំពុងតែផ្តោតអារម្មណ៍លើការប្រកួតជាធំ។ ជាក់ស្តែង យើងកំពុងតែធ្វើការចរចាកុងត្រាជាមួយកីឡាករជាច្រើននាក់ ក្នុងនោះ Messi បានបញ្ជាក់ជាមួយយើងហើយថារូបគេមិនចង់ចាកចេញទៅណានោះទេ ពោលគឺគេចង់បញ្ចប់អាជីពជាកីឡាករបាល់ទាត់របស់គេនៅទីនេះ។ ដូច្នេះយើងនឹងរីករាយក្នុងការបន្តកុងត្រាឲ្យកីឡាករកំពូលម្នាក់នេះ នៅលេងឲ្យក្លិបក្នុងរយៈពេលវែងទៅមុខទៀត។
ប្រភព៖ thesun
Bong I.T