ក្រុងវ៉ូហាន៖ វូហានដែលជាទីក្រុងនៃខេត្តហ៊ូប៉ីភាគកណ្តាលប្រទេសចិនបានបង្កើនការឆ្លើយតបជាបន្ទាន់សម្រាប់ ការគ្រប់គ្រងទឹកជំនន់ចាប់ពីកម្រិតទី ៣ ដល់កម្រិតទី ២ ដែលជាកម្រិតខ្ពស់ជាងគេទី ២ នៅក្នុងប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភ្លៀងដែលធ្លាក់ខ្លាំងបានបោកបក់ទីក្រុងក្នុងរយៈពេល ២ ថ្ងៃកន្លងមកនេះដោយមានភ្លៀងធ្លាក់ច្រើនបំផុតលើសពី ២៥០ មីលីម៉ែត្រចាប់ពីព្រឹកថ្ងៃអាទិត្យដល់ព្រឹកថ្ងៃច័ន្ទដោយបន្សល់ទុកនូវកំណាត់ផ្លូវជាច្រើនដែលលិចលង់ ហើយកម្រិតទឹកឡើងហួសកម្រិតប្រកាសអាសន្ននៅកន្លែងមួយចំនួន។
ភ្លៀងដែលធ្លាក់ខ្លាំងនេះត្រូវបានគេព្យាករណ៍ថានឹងបន្តកើតមានក្នុងប៉ុន្មានថ្ងៃខាងមុខ។ ដោយមើលឃើញពីស្ថានភាព បច្ចុប្បន្នទីស្នាក់ការកណ្តាលគ្រប់គ្រងគ្រោះទឹកជំនន់ និងគ្រោះរាំងស្ងួតបានប្រកាសនៅព្រឹកថ្ងៃច័ន្ទនេះដើម្បីបង្កើន កម្រិតឆ្លើយតបជាបន្ទាន់ចំពោះទឹកជំនន់ដែលបានបន្តកើនឡើងដល់កម្រិតខ្ពស់ទី ២ ។
ភ្លៀងដែលធ្លាក់ខ្លាំងបាននឹងកំពុងរាលដាលពេញមួយភាគធំនៃប្រទេសចិនដែលធ្វើឱ្យប៉ះពាល់ដល់ប្រជាជនរាប់លាននាក់ និងបង្កការខាតបង់សេដ្ឋកិច្ចយ៉ាងច្រើន។ តំបន់ជាច្រើននៅតាមខេត្ដមួយចំនួនរួមមាន៖ ខេត្តហ៊ូប៉ី អានហ៊ួយ និងខេត្តហួណានកាលពីថ្ងៃអាទិត្យបានបង្កើនកម្រិតឆ្លើយតបនឹងទឹកជំនន់ ខណៈដែលមានភ្លៀងធ្លាក់ខ្លាំងត្រូវបានគេ រំពឹងថានឹងបន្តហើយកម្រិតទឹកនៅក្នុងទន្លេ និងបឹងក្នុងតំបន់នៅតែបន្តកើនឡើង៕
សូមមើលរូបភាពដូចខាងក្រោមនេះ៖
ប្រភព៖ ទីភ្នាក់ងារសារព័ត៌មានស៊ីនហួរ