បរទេស៖ កាលពីម្សិលមិញនេះ មានរឿងរ៉ាវដែលមិនគួរឲ្យជឿកើតឡើង ដោយមានឆ្មាមួយក្បាលឈ្មោះ Oscar អាចមានជីវិតរស់រានបាន ក្រោយពីជាប់នៅក្នុងម៉ាសុីនបោកខោអាវដែលកំពុងតែដំណើរការបោកគក់ តាំងពីដើមរហូតដល់ចប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ឆ្មាមួយក្បាលនោះ បានចូលទៅដេកលង់លក់ក្នុងម៉ាសុីនបោកខោអាវ បន្ទាប់មកម្ចាស់ឆ្មាដែលមានឈ្មោះថា Amanda Meredith បានយកខោអាវមកដាក់ក្នុងម៉ាសុីន ព្រមទាំងមានសាប៊ូជាមួយផងដែរ ភ្លាមៗនេះម្ចាស់ឆ្មាម្នាក់នេះក៏បានលឺសម្លេងឆ្មាស្រែកហៅគាត់ដែរ ប៉ុន្តែដោយសារមិនចាប់អារម្មណ៍គាត់ក៏ដើរចេញទៅ។ប៉ុន្តែមួយសន្ទុះក្រោយមកគាត់ដើររកឆ្មាគាត់ពេញផ្ទះ មិនឃើញ ដោយការសង្ស័យគាត់ក៏បានមើលទៅម៉ាសុីនខោអាវ នៅពេលនោះគាត់ឃើញ Oscar យកដៃវាខ្វាចកញ្ចក់និង សម្លឹងមុខមកមើលគាត់។
ក្រោយពីបានឃើញឆ្មាខ្លួននៅរស់បែបនេះ Amanda Meredith បានសម្តែងក្តីត្រេកអរយ៉ាងខ្លាំង ដែលនេះជារឿងដែលមិនគួរឲ្យជឿសោះនិង ជាពិសេសម្ចាស់ឆ្មាម្នាក់នេះ បានដាស់តឿនដល់អ្នកចិញ្ចឹមសត្វមួយចំនួន សូមមេត្តាបង្កើនការប្រុងប្រយ័ត្នជានិច្ច ដោយពិនិត្យឲ្យគ្រប់ជ្រុងជ្រោយ មុនពេលប្រើប្រាស់ម៉ាសុីនបោកខោអាវ ប្រយ័ត្នជួបរឿងដូចគាត់៕
សូមចូលមើលរូបភាពខាងក្រោម៖