អាមេរិក៖ នារីម្នាក់មានឈ្មោះថា Rentsenkhorloo Bud វ័យ២៩ឆ្នាំ កម្ពស់ប្រមាណ២.០៥ម៉ែត្រ បានជាប់ឈ្មោះនៅលំដាប់ទីពីរក្នុងពិភពលោក ដែលមានប្រវែងជើងវែងជាងគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាង Rentsenkhorloo មានប្រវែងជើងប្រមាណ១.៣៤ម៉ែត្រ ដែលវាស់ចាប់ពីត្រគាក រហូតដល់កែងជើង ហើយនាងមានដើមកំណើតមកពីប្រទេសម៉ុងកូល តែបច្ចុប្បន្ននេះ នាងកំពុងរស់នៅជាមួយក្រុមគ្រួសារក្នុងទីក្រុង Chicago សហរដ្ឋអាមេរិក។ ចំពោះការខ្ពស់នេះដែរ គឺនាងទទួលបានហ្សែនពីឪពុកម្ដាយ ដោយឪពុកមានកម្ពស់ប្រមាណ២.០៨ម៉ែត្រ និងម្ដាយមានកម្ពស់ប្រមាណ១.៨៥ម៉ែត្រ។
នាង Rentsenkhorloo បានប្រាប់ប្រភពសារព័ត៌មានអន្ដរជាតិ Mirror ឲ្យដឹងថា កាលពីនៅវ័យកុមារភាព នាងតែងតែមានអារម្មណ៍មិនសូវល្អឡើយចំពោះកម្ពស់របស់ខ្លួន ដោយមានមនុស្សមួយចំនួនបង្អាប់ជាដើម តែសព្វថ្ងៃនេះ នាងមានអារម្មណ៍ល្អវិញនិងពេញចិត្តខ្លួនឯងជាខ្លាំង ដោយសារតែនាងគិតថា រូបនាងផ្ទាល់មានចំណុចខុសប្លែកពីអ្នកដទៃ។ ហើយឥឡូវនេះ នាងកំពុងរួមការងារជាមួយនឹងម៉ាកខោមួយប្រភេទសម្រាប់សុភាពនារី ដែលនាងមានតួទីជាតារាម៉ូដែលផងដែរ។
ជាចុងក្រោយ នាងបានបញ្ជាក់ទៀតថា នាងមិនដែលគិតពីការជាប់ឈ្មោះក្នុងកំណត់ត្រាពិភពលោក Guinness ឡើយ ហើយនាងក៏មិនដែលចាប់អារម្មណ៍ដែរ។
គួរឲ្យដឹងដែរថា តំណែងជានារីដែលមានជើងវែងបំផុតក្នុងពិភពលោក កំពុងស្ថិតនៅក្រោមការគ្រប់គ្រងរបស់ក្មេងស្រីជំទង់ Maci Kurrin មកពីទីក្រុង Austin រដ្ឋ Texas សហរដ្ឋអាមេរិក ដែលមានប្រវែងជើងលើសនាង Rentsenkhorloo បន្ដិចបន្ដួចប៉ុណ្ណោះ៕
សូមទស្សនារូបភាពខាងក្រោម៖