អតីតតារាចម្រៀងប្រចាំផលិតកម្ម M និងផលិតកម្ម សាន់ដេ ហើយពេលនេះជាតារាចម្រៀងឯករាជ្យ កញ្ញា តាក់ម៉ា បានធ្វើឲ្យមហាជនមិនតិចទេ ជាពិសេសអ្នកគាំទ្រកញ្ញាផ្ទាល់មានការភ្ញាក់ផ្អើលក្រោយពីបានឃើញលេចមុខសាជាថ្មីក្នុងការចូលរួមប្រឡងនៅក្នុងកម្មវិធី I Am a singer Cambodia រដូវកាលទី ២ របស់ទូរទស្សន៍រស្មីហង្សមាស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលធ្វើឲ្យមហាជនកត់សម្គាល់នោះដោយសារតែសមត្ថភាពពីធម្មជាតិរបស់កញ្ញាដែលមានទឹកដមសម្លេងផ្អែមគឺនៅតែពិរោះដដែល បើទោះបីជាកញ្ញាផ្អាកពីវិស័យសិល្បៈនេះប្រហែលជាង ២ឆ្នាំក៏ដោយ។
គួរបញ្ជាក់ផងដែរថា នេះជាលើកទីមួយសម្រាប់ជីវិតរបស់កញ្ញាក្នុងការចូលប្រឡងផ្នែកចម្រៀង ហើយបទចម្រៀងដែលបានលើកយកបកស្រាយនៅក្នុងកម្មវិធីលំដាប់ពិភពលោកមួយនេះមានចំណងជើងថា «គេមានសិទ្ធ» របស់ផលិតកម្ម M ដែលចេញផ្សាយអំឡុងឆ្នាំ ២០០៩ មកម្ល៉េះ។ហើយបទចម្រៀងនេះមិនមែនយកបទភ្លេងទាំងស្រុងនោះទេគឺមានការសហការផ្ទាល់ជាមួយលោកគ្រូភ្លេង សាន់ សុវណ្ណឌីន ដើម្បីឲ្យបទចម្រៀងនេះកាន់តែប្លែក និងរិតតែពិរោះជាងមុន៕
ចង់ដឹងអត់ថាតារាចម្រៀងរូបនេះបកស្រាយបានពិរោះកម្រិតណាក្នុងសប្តាហ៍ទីមួយនៃកម្មវិធីប្រឡងមួយនេះ សូមទស្សនានូវវីដេអូខាងក្រោមទាំងអស់គ្នា ៖
ប្រភព៖ I Am a singer Cambodia