ភ្នំពេញ៖ តារាពហុជំនាញ អ្នកនាង ខាត់ សុឃីម នាមួយរយៈចុងក្រោយនេះមានទុក្ខជាទម្ងន់ ដោយសារតែត្រូវបាត់បង់លោកឪពុកដែលជាអ្នកមានគុណ ជាគ្រូសិល្បៈ និងជាព្រះរស់នៅថែរក្សាតាំងពីតូច ផ្តល់ជាជំនាញប្រកបរបរចិញ្ចឹមជីវិតរហូតមកដល់សព្វថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយពេលដែលឪពុករបស់អ្នកនាងលាចាកលោក អ្នកនាងបានផ្អាកនូវការងារសិល្បៈមួយរយៈខ្លីដើម្បីចាត់ចែងរៀបចំពិធីបុណ្យសពលោកឪពុកឱ្យបានស្រួលបួល មុននឹងត្រឡប់ទទួលការងារសារជាថ្មីវិញ។
អ្នកនាង ខាត់ សុឃីម ក៏ធ្លាប់បានបង្ហាញពីអារម្មណ៍ដែលនៅសល់តែម្តាយ និងបាននាំម្តាយដើរលំហែកាយផងដែរ បន្ទាប់ពីពិធីបុណ្យសព្វលោកឪពុកត្រូវបានបញ្ចប់។
យ៉ាងណាមិញកាលពីប៉ុន្មានម៉ោងមុននេះ អ្នកនាងស្រាប់តែជួបទុក្ខផ្ទួនៗជាថ្មី ខណៈដែលម្តាយបង្កើតរបស់អ្នកនាងឈឺធ្ងន់ត្រូវចូលមន្ទីរពេទ្យពិនិត្យបន្ទាន់មើលទៅសភាពគួរឱ្យអាណិតជាពន់ពេក បណ្តាល ឱ្យមហាជនជាច្រើនកាន់តែសោកសង្រេងលើសដើមដែលអ្នកនាងត្រូវជួបបញ្ហាក្នុងគ្រួសារមិនចេះចប់មិនចេះហើយបែបនេះ៕
សូមទស្សនារូបភាពខាងក្រោមនេះ៖