អ្នកគាំទ្ររំភើបមិនស្ទើរ! ក្រោយដឹងតារាសម្តែងថៃប្រុសស្រីល្បីៗទាំង ៣គូ ចាប់ដៃគូសម្តែងរួមគ្នាជាលើកដំបូង

ថៃ៖ តារាសម្តែងថៃប្រុសស្រីល្បីៗទាំង ៣ គូបានចាប់ដៃគូសម្តែងរួមគ្នាជាលើកដំបូង ដែលធ្វើឲ្យអ្នកគាំទ្ររង់ចាំយ៉ាងអន្ទះសារតែម្តង។ ចង់ដឹងថា តើតារាសម្តែងថៃប្រុសស្រីទាំង ៣គូនោះជាអ្នកណាខ្លះ? ហើយថរឿងទាំង 3 នោះមានចំណងជើងអ្វី?

១. លោក Mario Maurer និងកញ្ញា Yaya Urassaya

ទីបំផុតលោក Mario Maurer និងកញ្ញា Yaya Urassaya បានចាប់ដៃគូគ្នាសម្តែងរឿងភាគថ្មីដែលមានចំណងជើងថា “ Kue Thur” ដែលគ្រោងនឹងដាក់បញ្ចាំងក្នុងពេលឆាប់ៗនេះ។

២. លោក Mik Thongraya និងកញ្ញា Aum Patchrapa

លោក Mik Thongraya បានក្លាយជាតារាសម្តែងដែលកំពុងមានប្រជាប្រិយភាពប្រចាំប៉ុស្តិ៍ថៃ លេខ7។ ថ្មីៗនេះលោកបានថតរឿងភាគថ្មីមួយដែលមានចំណងជើងថា “Jark Sadtroo Soo Huajai” ដែលលោកបានដើរតួជាប្តីប្រពន្ធជាមួយតារាស្រីដ៏ល្បីល្បាញគឺកញ្ញា Aum Patchrapa ជាលើកដំបូង។ បើតាមដឹងគឺមានប្រិយមិត្តជាច្រើនណាស់ដែលកំពុងរង់ចាំរឿងភាគថ្មីរបស់តារាប្រុសស្រីមួយគូនេះ។

៣. លោក Film Thanapat និងកញ្ញា Esther Supreeleela

លោក Thanapat បានចាប់ដៃគូសម្តែងរួមគ្នាជាមួយនឹងកញ្ញា Esther Supreeleela ជាលើកដំបូងនៅក្នុងរឿងភាគថ្មីរបស់ទូរទស្សន៍ ONE 31 ដែលមានចំណងជើងថា “ Payu Sai” ៕