កូរ៉េខាងត្បូង៖ កាលពីថ្មីៗនេះ ផលិតកម្ម FNC Entertainment បានចេញសេចក្ដីប្រកាសថា Jimin បានសម្រេចចាកចេញពីក្រុម និងវិស័យសិល្បៈទាំងមូលហើយ បន្ទាប់ពីមានរឿងអាស្រូវ ជាមួយអតីតសមាជិកក្រុម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះជាសេចក្តីថ្លែងការណ៍ផ្លូវការទាំងស្រុង របស់ផលិតកម្ ម៖
ដំបូងយើងសូមអភ័យទោស ដែលបានធ្វើឲ្យមនុស្សជាច្រើន មានការព្រួយបារម្ភ។ ទាក់ទងនឹងភាពចម្រូងចម្រាស នាពេលថ្មីៗនេះ ជុំវិញសិល្បកររបស់យើងឈ្មោះ Jimin បានសម្រេចចិត្តចាកចេញពី AOA និងឧស្សាហកម្មកម្សន្តតន្រ្តីហើយ។ យើងមានការសោកស្តាយយ៉ាងខ្លាំងហើយចំពោះរឿងនេះ ហើយនឹងព្យាយាមគ្រប់គ្រងសិល្បកររបស់យើង ឲ្យកាន់តែល្អប្រសើរឡើង នាពេលអនាគត។ ជាថ្មីម្តងទៀត យើងសូមអភ័យទោស ចំពោះការបង្កឲ្យមានការព្រួយបារម្ភ។
គួរបញ្ជាក់ផងដែរថា កាលពីថ្ងៃទី ៣ ខែកក្កដា អតីតសមាជិកក្រុម AOA ឈ្មោះ Mina បានបានទម្លាយរឿងរ៉ាវមួយចំនួន លើនៅបណ្ដាញ Instagram ដោយចោទប្រកាន់ថា Jimin បានធ្វើបាបនាង អស់ជាច្រើនឆ្នាំ អំឡុងពេលដែលនាងនៅក្នុងក្រុម។
ដោយសារតែភាពចម្រូងចម្រាសនេះ បានបន្តលាតត្រដាង នៅពេលដែល Mina នៅតែបន្តចែកចាយភស្តុតាងជាច្រើន នៃការធ្វើបាបខ្លួនឯង ហើយបានបន្តលាតត្រដាង ពីការព្យាបាទរបស់ Jimin អតីតមិត្តរួមរបស់នាង មកលើនាង៕
ទស្សនារូបខាងក្រោម ៖
Bong I.T