អ៊ីស្រាអែលជោគជ័យ ក្នុង​ការបាញ់បង្ហោះផ្កាយរណប​ស៊ើបការណ៍ ឡើងទៅកាន់ទីអវកាស

យេរូសាឡឹម៖ ទីភ្នាក់ងារសារព័ត៌មាន រ៉យទ័រ បានរាយការណ៍ថា នៅថ្ងៃចន្ទនេះប្រទេសអ៊ីស្រាអែល បានទទួលជោគជ័យ​ក្នុងបេសកកម្ម បាញ់បង្ហោះផ្កាយរណបអង្កេតការណ៍មួយ ឡើងទៅកាន់ទីអវកាស ក្នុងគោលបំណងឃ្លាំមើលកងកម្លាំងយោធារបស់សត្រូវ។​

ផ្កាយរណបថ្មីនេះ មានឈ្មោះថា Ofek16 ត្រូវបានបាញ់បង្ហោះ​កាលពីព្រឹកព្រលឹមថ្ងៃចន្ទនេះ ដោយចេញតាំងបាញ់បង្ហោះមួយ នៅភាគកណ្តាលប្រទេសអ៊ីស្រាអែល ​តាមរយៈ​រ៉ុក្កែត Shavit ដែលត្រូវបានអភិវឌ្ឍឡើងក្នុង​ប្រទេសអ៊ីស្រាអែលផ្ទាល់ ​និងធ្លាប់បានប្រើដើម្បីបាញ់បង្ហោះផ្កាយរណបមុនៗរួចមកហើយ។

រដ្ឋមន្រ្តីក្រសួងការពារជាតិអ៊ីស្រាអែលលោក Benny Gantz បាន​លើកឡើងយ៉ាងដូច្នេះថា៖

គួរជម្រាបផងដែរថា បច្ចុប្បន្ននេះ អ៊ីស្រាអែលបាននឹងកំពុងបង្កើនការអភិវឌ្ឍប្រព័ន្ធផ្កាយរណបអង្កេតការណ៍របស់ខ្លួន ឱ្យមានសមត្ថភាពកាន់តែប្រសើរជាងមុន​ ដើម្បីតាមដានសត្រូវដូចជា អ៊ីរ៉ង់ ដែលកម្មវិធីនុយក្លេអ៊ែររបស់ប្រទេស​នេះ អាចបង្កការគំរាមកំហែងខ្លាំង ទៅលើប្រទេសអ៊ីស្រាអែល រួមទាំងប្រទេសមួយចំនួនទៀត៕