អ៊ុំ វិចិត្រ ថាមិនពេញចិត្តនឹងការសម្រេចចិត្តរបស់អាជ្ញាកណ្ដាល ដែលអនុញ្ញាតឲ្យគ្រាប់បាល់ទី២របស់ វិសាខា កើតមានឡើង

ភ្នំពេញ៖ ក្រុមសឹង្ហក្រហមភ្នំពេញក្រោន បានរក្សាភាពមិនដែលចាញ់របស់ខ្លួនក្នុងក្របខណ្ឌ មិត្តហ្វូនខេមបូឌានលីគ រដូវកាលនេះ ក្រោយប្រកួតស្មើគ្នាជាមួយក្រុមបាល់ទាត់វិសាខា ក្នុងលទ្ធផល ២ទល់នឹង ២ កាលពីថ្ងៃអាទិត្យម្សិលមិញ នៅកីឡដ្ឋាន Smart RSN។

ក្នុងការការប្រកួតដ៏ស្វិតស្វាញនេះ ក្រុមភ្ញៀវ វិសាខា ជាអ្នកបើកឆាកនាំមុខមុន​ សម្រេចទីដោយកីឡាករ ស៊ិន សុផាណាត់ នៅនាទីទី១១ ខណៈមុនននឹងបញ្ចប់តង់ទី១ ក្រុមម្ចាស់ផ្ទះ ក៏វាយបក បានស្មើ បំប៉ោងសំណាញ់ទីដោយ ម្ចាស់អាវលេខ១០ Paulo Victor នៅនានាទី៣០។

ឈានចូលដល់តង់ទី២ បាន២០នាទី ខ្សែប្រយុទ្ធ រឹង ប៊ុនហៀង បានស៊ុតគ្រាប់ទី២ ជួយវិសាខា នាំមុខសាជាថ្មី ខណៈគ្រាប់ទី២នេះ ហាក់មានការតវ៉ាច្រើនពីសំណាក់កីឡាករ ក្រុមភ្នំពេញក្រោន រហូតឈានដល់ខ្សែប្រយុទ្ធ Paulo Victor ត្រូវបានអាជ្ញាកណ្ដាលពិន័យកាតក្រហមបណ្ដេញចេញពីទីលានទៀតផង ។

មិនជាថ្វីបើទោះជាមានគ្នាត្រឹម១០នាក់ ក៏ក្រុមលោកគ្រូ ស៊ុំ វណ្ណា នៅតែព្យាយាមសម្រុកតបត ជាលទ្ធផល នៅចុងតង់ទី២ នាទីទី៨៤ ម្ចាស់អាវលេខ៩ Nieto ក៏រកគ្រាប់បាល់តាមស្មើ ២ទល់នឹង២។

យ៉ាងណាមិញ ក្រោយបញ្ចប់ការប្រកួត អ្នកចាំទីចាស់វស្សារបស់ភ្នំពេញក្រោន កីឡាករ អ៊ុំ វិចិត្រ បានសម្ដែងការមិនពេញចិត្ត ជុំវិញការកាត់សេចក្ដីរបស់លោក អាជ្ញាកណ្ដាល ដែលផ្ដល់គ្រាប់ទី២ ឲ្យក្រុមវិសាខា ដោយលើកឡើងយ៉ាងដូច្នេះថា៖

សូមទស្សនាវីដេអូសង្ខេបនៃការប្រកួតខាងក្រោមនេះ៖

ប្រភព៖ ppcfc