បារាំង៖ ក្លិបអ្នកមានរបស់បារាំង Paris Saint-Germain ត្រូវបានគេរាយការណ៍មកថាកំពុងតែបើកដៃឲ្យក្លិប Barcelona ចរចាទិញយកកីឡាករឆ្នើម Neymar ទៅរួមនឹងក្លិបអេស៉្បាញមួយនេះវិញហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងដែរថា Neymar បានសម្រេចចិត្តចាកចេញពី Barca ទៅរួមនឹង PSG កាលពីឆ្នាំ២០១៧ ប៉ុន្តែថ្មីៗនេះរូបគេមានបំណងចង់ទៅលេងរួមគ្នាជាមួយនឹងកីឡាករ Messi និង Suarez វិញនៅរដូវកាលក្រោយ។
ក្លិប Barcelona កំពុងតែមានសង្ឃឹមយ៉ាងខ្ពស់ថានឹងអាចយក Neymar មកទឹក Nou Camp វិញបាននៅរដូវក្ដៅនេះ ស្របពេលដែល Griezmann កំពុងតែមានទម្រង់លេងមិនសូវល្អជាមួយក្លិប។
គួរបញ្ជាក់ដែរថា Neymar បង្ហាញខ្លួនឲ្យ PSG បាន២២ប្រកួតនៅរដូវកាលនេះដោយរកបាន១៨គ្រាប់ និងបោះបាល់ឲ្យដៃគូរកគ្រាប់បាន១០លើក។ ជាមួយគ្នានេះ Barca នឹងត្រូវលក់កីឡាករជួរមុខមួយចំនួនដើម្បីត្រៀមលុយ ទិញ Neymar មករួមក្រុមវិញដោយកីឡាករដែលត្រូវលក់មានដូចជា Philippe Coutinho និង Dembele ជាដើម។
ដោយឡែកលោក Sandro Rosell ដែលជាអតីតប្រធានក្លិប Barca ក៏បានប្រាប់ឲ្យដឹងដែរថា Neymar ជាកីឡាករតែមួយគត់ដែរអាចមកធ្វើជាដៃគូដ៏មានប្រសិទ្ធភាពបំផុតជាមួយ Lionel Messi ៕
ប្រភព៖ express