ហង្សមាស សម្រេចដាក់រឿងភាគពេញៗគ្រប់ភាគ ឲ្យទស្សនានៅលើយូធូប!

ភ្នំពេញ៖ អាចថានេះជាដំណឹងដ៏ពិសេសមួយ ដែលអ្នកគាំទ្ររឿងភាគរបស់ហង្សមាសទន្ទឹងរង់ចាំ និងតែងតែទទូចចង់បាន ឥឡូវនេះបានសម្រេចហើយ ដោយហង្សមាសទើបប្រកាសថ្មីៗក្តៅៗពីការដាក់់រឿងភាគពេញៗ គ្រប់ភាគ ជូនទស្សនានៅលើយូធូបក្នុងឆាណែលផ្លូវការ Rasmey Hang Meas ដែលមានអ្នក Subscribe ដល់ទៅជាង ៤ លាននាក់។

បទចម្រៀងដ៏ល្បីៗ ដែលទទួលបានការគាំទ្រយ៉ាងច្រើនលើសលប់របស់ផលិតកម្មរស្មីហង្សមាស ត្រូវបានសម្រាំងយកមកផលិតជាភាពយន្តចម្រៀង Music Series ហើយរឿងដំបូងគេសម្រាប់ខ្សែស្រឡាយ Music Series នេះគឺរឿង «តាមដាន» ដែលនឹងចាក់ជូនទស្សនាភាគដំបូងនារាត្រីនេះហើយ នៅលើកញ្ចក់ទូរទស្សន៍ ហង្សមាស​ HDTV ម៉ោង ៧ យប់។

ដូចបានបញ្ជាក់ខាងលើ ភាពយន្តចម្រៀងនេះក៏នឹងត្រូវបានដាក់ជូនទស្សនា ពេញៗគ្រប់ភាគនៅលើយូធូបក្នុងឆាណែលផ្លូវការ Rasmey Hang Meas ផងដែរ។

គួរបញ្ជាក់ផងដែរថា ភាពយន្តចម្រៀងរឿង «តាមដាន» គឺជារឿងដំបូងគេសម្រាប់ខ្សែស្រឡាយ Music Series ហើយក៏នឹងមានភាយន្តចម្រៀងជាបន្តបន្ទាប់ទៀត ដោយដកស្រង់ពីបទចម្រៀងល្បីៗ របស់ផលិតកម្មរស្មី ហង្សមាស មកផលិតជាសាច់រឿង៕