ភ្នំពេញ៖ កាលពីថ្ងៃទី ០៤ ខែកក្កដា ឆ្នាំ២០២០ លោក ឧកញ៉ា ឌួង ឆាយ ដែលគ្រប់គ្នាបានស្គាល់តាមរយៈការធ្វើសប្បុរធម៌ជាមួយប្រជាពលរដ្ឋដែលមានជីវភាពខ្វះខាត និងជាម្ចាស់ក្លិបកម្សាន្តមួយកន្លែងនៅក្បែរផ្សារទំនើបអ៊ីអន ១បានប្រកាសថា ក្លិបកម្សាន្តរាត្រី Sound ដែលបានបើកដំណើរការកាលពីថ្ងៃទី១៤ ខែធ្នូ ឆ្នាំ២០១៧ នឹងបិទដំណើរការជាផ្លូវការហើយ ខណៈពេលដែលសម្តេចតេជោ ហ៊ុនសែន នាយករដ្ឋមន្ត្រីនៃប្រទេសកម្ពុជាបានប្រកាស នឹងត្រៀមឲ្យបើកដំណើរការនៅក្នុងពេលឆាប់ៗខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់បើយោងតាមការ Live នៅក្នុងគណនីផ្ទាល់ខ្លួនរបស់លោកឧកញ៉ារូបនេះបានបញ្ជាក់ពីមូលហេតុ គឺដោយសារតែលោកមិនចង់ឃើញបុគ្គលិកទាំងប្រុសទាំងស្រី និងសហការី ប្រហែលជា ២០០ នាក់ដែលបម្រើការងារនៅក្នុងក្លិបកម្សាន្តនាពេលរាត្រីមួយនេះមានជំងឺឆ្លងនៃមេរោគកូវីដ ១៩ នោះទេ។ លោកឧកញ៉ា ក៏បានបន្ថែមទៀតថា មិនចង់ឃើញបុគ្គលិកទាំងអស់ដែលជាជនរងគ្រោះកើតជំងឺដ៏កាចសាហាវនេះដែរ ហើយណាមួយការបើកក្លិបកម្សាន្តនាពេលរាត្រីមួយនេះមិនមែនជាចំណង់ចំណូលចិត្ត និងគោលដៅដែលរូបលោកនិងភរិយាបានរៀបចំនោះទេ។
មួយវិញទៀតទោះបីជាក្លិបកម្សាន្តមួយនេះទទួលបានការគាំទ្រជាខ្លាំងពីសំណាក់យុវវ័យ និងរកបានចំណូលជាច្រើនយ៉ាងណាក៏ដោយ លោកមិនបានគិតគូនោះទេ គឺបារម្ភពីសុខទុក្ខរបស់បុគ្គលិកគឺជារឿងសំខាន់ជាង... ដូច្នេះមានតែសម្រេចចិត្តនឹងបិទដំណើរការដូចជាអ្វីដែលលោកបានបញ្ជាក់អ៊ីចឹង។
ពិតជាគួរឲ្យសសើរជាខ្លាំង និងគ្មានអ្វីមកនិយាយក្រៅពីពាក្យអរគុណទៅកាន់លោកឧកញ៉ា ឌួង ឆាយ ដែលបានគិតគូដល់បុគ្គលិករបស់ខ្លួន និងមិនចង់ឲ្យពួកគាត់ឆ្លងនូវជំងឺដ៏កាចសាហាវដែលកំពុងតែរាតត្បាតនៅក្នុងជុំវិញពិភពលោកនេះ ហើយទង្វើមួយនេះក៏ជាចំណែកមួយក្នុងការចូលរួមទប់សា្តត់ដើម្បីកុំឲ្យមានរលកទីពីរចូលមកកាន់ប្រទេសកម្ពុជាផងដែរ៕
សូមទស្សនានូវរូបភាពខាងក្រោមនេះ៖