ប្លែក​ណាស់!​ កូនឆ្កែមួយក្បាលនេះ លេប​ឈើ​ប្រវែង​ ២៥​ សង់​ទី​ម៉ែ​ត្រចូលក្នុងពោះ តែ​មិន​មាន​មុត​គ្រឿង​ក្នុងសោះ​

កូនឆ្កែអាយុ ៩ ខែត្រូវបានវះកាត់បន្ទាន់ បន្ទាប់ពីលេបឈើប្រវែង ២៥សង់ទីម៉ែត្រ ដែលស្មើនឹងពាក់កណ្តាល​នៃដង​ខ្លួនរបស់វា។

កូនឆ្កែឈ្មោះ រ៉កឃី ត្រូវបានបញ្ជូនទៅមន្ទីរពេទ្យសត្វ​បន្ទាប់ពីម្ចាស់របស់វាបានសង្កេតឃើញថាកូនឆ្កែរបស់​គាត់ចេះ​តែឈឺម្តង ហើយម្តងទៀត និងមិនស៊ីអាហារ។

លោក Vet Zofia Bauman​​ បាននិយាយថាវាពិតជារឿងគួរឱ្យភ្ញាក់ផ្អើលណាស់ដែលដំបងមិនបានមុតចូល​ទៅក្នុង​សរីរាង្គសំខាន់ៗរបស់ កូនឆ្កែRocky ឬបណ្តាលឱ្យវាមានរបួសធ្ងន់ធ្ងរ។ លោកបន្ថែមថា៖ “ ខ្ញុំមិនដែលឃើញរឿងបែប​នេះ​ពីមុនមកទេ”។

ដំបងដែលមានប្រវែង ២៥ សង់ទីម៉ែត ត្រូវបានយកចេញពីក្នុងខ្លួនសុនកកំឡុងពេលវះកាត់រយៈពេលមួយម៉ោង។រ៉ក់គីទទួលបានការថែទាំយ៉ាងយកចិត្តទុកដាក់ពេញមួយយប់ ដើម្បីធានាថា មិនមានការហូរឈាមនៅខាងក្នុងទេ។

បុរសវ័យ ៣៦​​ឆ្នាំ ឈ្មោះ ចូណាដែលត្រូវជាម្ចាស់ឆ្កែបាននិយាយថា៖ ជារឿងដែលមិនគួរអោយជឿដែលសត្វឆ្កែ​របស់​គាត់អាច​លេបដំបងដែល​មានប្រវែងពាក់កណ្តាលខ្លួនរបស់វា ចូលទៅក្នុងខ្លួនបាន។

លោកស្រី Bauman បាននិយាយថា៖ “យើងគិតថា Rocky ទំនងជាស៊ីអ្វីមិនល្អដែលនាំអោយវាឈឺភ្លាមៗ ហើយគាត់សង្ស័យថា វាពិតជាមានអ្វីមួយខុសប្រក្រតីនៅក្នុងក្រពះរបស់វា ប៉ុន្តែគាត់ស្ទើតែមិនជឿនឹងភ្នែកថា មាន​ឈើនៅក្នុងខ្លួនរបស់វា នៅពេលដែលគ្រូពេទ្យធ្វើការវះកាត់ទើបឃើញ៕