មិនត្រឹមតែមានសមត្ថភាពច្រៀងនោះទេ តែ សំ សុវណ្ណារ៉ាក់ អាចធ្វើរឿងមួយនេះទៀតបានយ៉ាងល្អ (មានវីដេអូ)

ភ្នំពេញ៖ អតីតបេក្ខភាពប្រឡងក្នុងកម្មវិធីលំដាប់ថ្នាក់ពិភពលោក X Factor Cambodia លោក សំ សុវណ្ណារ៉ាក់ បើទោះបីជាមិនទទួលបានជ័យលាភីជាម្ចាស់ពានរង្វាន់ក៏ពិតមែន ប៉ុន្តែរូបលោកបានធ្វើឱ្យទស្សនិកជនជាច្រើនចាប់អារម្មណ៍មកលើខ្លួននៅក្នុងពេលប្រឡង។

ដោយសារមើលឃើញពីសន្ទុះនៃការគាំទ្របែបនេះហើយ ទើបបានជាតារាចម្រៀងមានរាងស្តើងខាង លើនេះ ទទួលការលើកស្ទួយពីម្ចាស់ផលិតកម្មរស្មីហង្សមាស រហូតមានឱកាសក្លាយជាតារាចម្រៀងពេញសិទ្ធនៅក្នុងផលិតកម្មដូចម្ចាស់ពានរង្វាន់ដែរ។

សំ សុវណ្ណារ៉ាក់ មិនមែនមានសមត្ថភាពត្រឹមតែជាតារាចម្រៀងនោះទេ ប៉ុន្តែលោកអាចដឹកនាំសម្តែងបានយ៉ាងល្អ និងមានក្រុមអ្នកសម្រួលតន្ត្រីកាន់តែពិសេសថែមទៀតផង។

តោះ! ទៅស្តាប់បទចម្រៀងថ្មី និងទស្សនាពីការដឹកនាំសម្តែងរបស់តារាចម្រៀងជំនាន់ក្រោយរូបនេះទាំងអស់គ្នា៕

សូមទស្សនារូបភាព និងវីដេអូចម្រៀងខាងក្រោម៖